ककनी– ५ को समृद्ध विकास र जनताको माग पूरा गर्न मेरो उम्मेदवारी : बुद्ध लामा

साझापाना २०७९ वैशाख ११ गते १९:२० मा प्रकाशित

काठमाडौं । नुवाकोटको ककनी– ५ मा नेपाली कांग्रससबाट वडाध्यक्षका उम्मेदवार बुद्ध लामाले उक्त वडामा समृद्ध विकास र जनताको माग पूरा गर्न आफूले उम्मेदवारको घोषणा गरेको बताएका छन् ।

यही बैशाख ३० गतेको लागि सरकारले स्थानीय तह निर्वाचनको मिति तय गरेको छ । हाल देश चुनावको रौनकमा र विभिन्न राजनीतिक दललले उम्मेदवार चयन गरिरहहेका बेला युवा नेता लामालाई पनि पार्टीले सर्वसम्मत वडाध्यक्षको उम्मेदवार चयन गरेको बताए ।

साथै, उनले विगतको सरकारले त्यस वडामा विकास निर्माण पूरा गर्न नसकेको आरोप लगाउँदै हाल बाटोघाटोलगायत विभिन्न विकासका योजना अघि सारेर चुनावमा होमिएको बताए ।

पहिलेको सरकारको पालामा अव्यवस्थित कच्ची सडकलाई पक्की गर्न नसकेको आरोप लगाउँदै त्यस्ता विभिन्न विकास निर्माणका काम आफूले चुनाव जितेपछि पूरा गर्ने नेता लामाले जिकिर गरे ।

क्याटेगोरी : समाचार, स्थानीय