अवैध लागूऔषध गाँजासहित दुई जना पक्राउ

प्रनिश थापा चितवन संवाददाता २०७८ माघ ४ गते ०७:४६ मा प्रकाशित

धादिङ । धादिङको गजुरीबाट अवैध लागूऔषध गाँजा सहित २ जनालाइ प्रहरीले पक्राउ गरेको छ ।

गल्छीबाट नुवाकोटतर्फ जाँदै गरेको मोटरसाइकलमा प्रतिबन्धित लागूऔषध लैजाँदै छ भन्ने विशेष सूचनाको आधारमा प्रहरी चौकी गल्छीबाट खटिएको प्रहरीको टोलीले गल्छी गाउँपालिका वडा नंम्बर ७ गल्छी बजारबाट गल्छी गाउँपालिका वडा नंम्बर ५ रैले बस्ने ३२ बर्षिया विनोद तामाङ र सोही ठाउँको छहरा बस्ने २२ बर्षकी सिता रोक्कालाइ पक्राउ गरेको हो ।

पक्राउ परेका उनीहरु सवार बा. २५. प. ३१७४ नम्बरको होन्डा मोटरसाईकललाइ रोकेर चेकजाँच गर्दा प्रहरीले प्रतिबन्धित लागूऔषध गाँजा ७ किलो १०० ग्राम फेला पारेको थियो ।

लागूऔषध गाँजा सहित पक्राउ परेका उनीहरु विरुद्ध सम्मानित धादिङ जिल्ला अदालतबाट म्याद थप गरी अनुसन्धान गर्ने कार्य भईरहेको ईलाका प्रहरी कार्यालय गजुरीका प्रहरी प्रमुख (डिएसपी) भावेश रिमालले बताए । अहिले गजुरी प्रहरीले आफ्नो सक्रियता बढाएसंगै पछिल्लो समय लागूऔषध ओसारपसार गर्ने गिरोह समेत नियन्त्रणमा आउन थालेको छ ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय