Techie IT
आईतबार, असार १०,२०८१

४ हजार भन्दा धेरै नेता–कार्यकर्ताहरू नेकपा एमालेमा प्रवेश


नेपालगञ्ज, १८ पुस । बाँकेको नरैनापुरमा विभिन्न पार्टी परित्याग गरी ४ हजार भन्दा धेरै नेता–कार्यकर्ताहरू नेकपा एमालेमा प्रवेश गरेका छन् ।

हिजो शनिबार नरैनापुरमा आयोजित कार्यक्रममा जसपाका केन्द्रीय सदस्य रामकुमार दिक्षितसहितको समूहलाई नेकपा एमालेका महासचिव शंकर पोखरेलले पार्टीमा प्रवेश गराए ।

योसँगै संगठनात्मक रुपमा कमजोर नरैनापुर शनिबारदेखि मजबुत भएको एमाले बाँकेका इन्चार्ज तथा केन्द्रीय सदस्य सुर्य ढकालले बताए । उनका अनुसार ४ हजार २४५ जना एमालेमा प्रवेश गरेका छन् ।

सो अवसरमा महासचिव पोखरेलले पार्टीविरुद्धको घेराबन्दी लामो समय टिक्न नसक्ने बताएका छन् । लुम्विनी प्रदेशको विकट क्षेत्रको रुपमा रहेको नरैनापुरमा पछिल्लो समय एकपछि अर्को गरी विकासका पूर्वाधार पुगेको भन्दै उनले यसको नेतृत्व आफ्नो पार्टी नेकपा एमालेले गरेको दाबी गरेका छन् ।

बाँके जिल्लामा मंसिर १ गते पशुपतिदयाल मिश्रको नेतृत्वमा ठूलो संख्यामा मधेसी समुदायमा मानिसको नेकपा एमालेमा प्रवेशसँगै बाँकेमा हालसम्म करिब दश हजारको हाराहारीमा नेकपा एमालेमा प्रवेश भएका छन् । नेकपा एमालेलाइ पहिले मधेस विरोधी पार्टीको रूपमा आरोप लगाए पनि पार्टीका अध्यक्ष केपी ओलीले सरकारको नेतृत्व गरेको सरकारले मधेसी समुदाय र मधेसका २२ जिल्लामा गरेको विकासले मधेसी समुदायको नेकपा एमालेमा प्रवेशमा लहरनै भएको छ ।

नेकपा एमालेमा नवप्रवेशी मिश्राका अनुसार बाँके जिल्लामा जुन प्रकारको गलत प्रचार गरिएको थियो क्रमिक रूपमा अन्त्य हुँदै गएको र मधेस एमाले चिन्दै छ भने एमाले सरकारमा गएको समयमा मधेसलाइ विकासको मुल थलो बनाएको कारण नेकपा एमालेमा प्रवेशको लहर बढेको उनको तर्क छ ।

बाँकेमा मधेसी मुुस्लिम समुदायको बाहुल्य रहेको जानकी गाउँपालिमा एमालेको नेतृत्व रहेको छ भने हाल नेकपा एमालेमा प्रवेशको लहर रहेका नेपालगञ्ज उपमहानरपालिकामा मिश्राको नेतृत्व ५ हजार भन्दा बढी नेकपा एमालेमा प्रवेश भएको छ ।

त्यस्तै डुडुवा गाउँपालिकामा मोहन मिश्रको नेतृत्वमा २ हजार ५०० जना र नरैनापुरमा रामकुमार दिक्षितको नेतृत्वमा शनिबार मात्रै करिब ४ हजार नेकपा एमालेमा प्रवेशसँगै १० हजार भन्दा बढी प्रवेश भएको एमाले केन्द्रीय सदस्य मोहमद हारूनको दाबी छ ।


क्याटेगोरी : समाचार
ट्याग : #एमालेमा प्रवेश


तपाईको कमेन्ट लेख्नुहोस्


Kathmandu
28°
Mostly Cloudy
5:09 am7:02 pm +0545