नदीजन्य पदार्थको चोरी कार्यमा संलग्न दश वटा सवारीसाधन नियन्त्रणमा

प्रनिश थापा चितवन संवाददाता २०७८ मंसीर २८ गते १४:३० मा प्रकाशित

चितवन । अवैध रूपमा नदीजन्य पदार्थको चोरी कार्यमा संलग्न दश वटा सवारी साधनलाइ चितवन प्रहरीले नियन्त्रणमा लिएको छ ।

जिल्ला प्रहरी कार्यालय चितवन र ईलाका प्रहरी कार्यालय रत्ननगरबाट खटिएको प्रहरीको बिशेष टोलीले नदीजन्य पदार्थको चोरी निकासी कार्यमा संलग्न रहेका विभिन्न सवारीसाधनलाइ विभिन्न स्थानहरूबाट नियन्त्रणमा लिइएको जनाएको हो ।

प्रहरीले भोजाड एरियाबाट तीन वटा ट्रयाक्टरसहित कालिका नगरपालिकाको जुटपानी क्षेत्रबाट दुइ वटा जेसिभी, चार वटा टिपर र एउटा ट्याक्टर नियन्त्रणमा लिइएको जनाएको हो ।

अवैध रूपमा नदीजन्य पदार्थ उत्खनन गर्ने कार्यमा संलग्न रहेका सवारीसाधनमाथि आक्रमक रूपमा प्रस्तुत हुँदैआएको चितवन प्रहरीले विभिन्न समयमा अप्रेसन चलाउँदै आएको छ ।

सोही अप्रेसन अन्तर्गत प्रहरीले दश वटा सवारी साधनलाइ नियन्त्रणमा लिइ कार्वाही गर्न सफल भएको हो । नियन्त्रणमा लिइएको उक्त सवारी साधनलाइ आवश्यक कार्वाहीको लागी सम्बन्धि निकायमा पठाइएको चितवन प्रहरीका प्रमुख (एसपी) ओम प्रसाद अधिकारीले बताए ।

साथै, प्रहरीले नदीजन्य पदार्थहरुको उत्खनन भएको पाइए प्रहरी आक्रमक रूपमा प्रस्तुत हुने बताउँदै सो, कार्य कहिँ कतै भए गरेको पाइए तत्कालै आफ्नो नजीकैको प्रहरी कार्यालयमा खबर गर्न समेत अपिल गरेको छ ।

क्याटेगोरी : ब्रेकिंग न्युज, विशेष, देश परदेश, समाचार, स्थानीय