आजदेखि कांग्रेसको १४औं महाधिवेशन काठमाडौंको भृकुटीमण्डपमा शुरू
मंसिर । प्रमुख सत्ताधारी दल नेपाली कांग्रेसको १४औं महाधिवेशन आज शुक्रबारदेखि काठमाडौंको भृकुटीमण्डपमा शुरू हुँदै छ ।
महाधिवेशनमा देशका ७७ जिल्लाका १६५ निर्वाचन क्षेत्र, भ्रातृ तथा शुभेच्छुक संघसंस्था तथा विदेशबाट गरी ४ हजार ७०० जना महाधिवेशन प्रतिनिधि सहभागी हुँदै छन् ।
महाधिवेशनमा प्रमुख दलका नेताहरू केपी शर्मा ओली, पुष्पकमल दाहाल ‘प्रचण्ड’, तथा राजेन्द्र लिङ्देनलगायत नेताहरूको पनि सहभागिता रहने बताइएको छ ।
त्यसैगरी कांग्रेस महाधिवेशनमा सहभागी हुन भारत, चीनलगायतका मुलुकबाट समेत विभिन्न राजनीतिक दलका प्रतिनिधि आउँदै छन् । भारतबाट सत्तारूढ दल भाजपा र विपक्षी दल कांग्रेस आइका प्रतिनिधि आउने बताइएको छ ।
यसैगरी, चिनियाँ कम्युनिस्ट पार्टीका प्रतिनिधि पनि सहभागी हुने कांग्रेसले जनाएको छ । केही विदेशी पाहुना भने काठमाडौं आइसकेको पाहुना स्वागत समितिका सदस्य राजिवविक्रम शाहले जानकारी दिए ।
पार्टीको नेतृत्वका लागि भने भोलि शनिबार उम्मेदवारी दर्ता गर्ने कार्यतालिका छ । तर, सभापतिका उम्मेदवार शेरबहादुर देउवा र प्रकाशमान सिंहले उम्मेदवारी दिने बताए पनि समूह भने निर्माण भइसकेको छैन । त्यस्तै अर्को ठूलो समूह रामचन्द्र पौडेल पक्षले पनि उम्मेदवार तय गर्न सकिरहेको छैन ।
महाधिवेशन व्यवस्थित तरिकाले सम्पन्न गर्न गठित विभिन्न उपसमिति आ–आफ्नो जिम्मेवारीका साथ कार्य गर्दै छन् ।
महाधिवेशन उद्घाटनका लागि भृकुटीमण्डपमा २५० जना अट्ने मञ्च बनाएको छ । त्यस्तै एक हजार जना स्वयंसेवक परिचालन, तीन घेराको सुरक्षा प्रबन्धलगायत व्यवस्था महाधिवेशनमा गरिएको छ ।
क्याटेगोरी : समाचार
ट्याग : #कांग्रेसको १४औं महाधिवेश
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्