Techie IT
बुधबार, मंसीर ३,२०८३

नेकपा एमालेको प्रथम विधान महाधिवेशन सुरु


काठमाडौँ, १५ असोज । नेकपा एमालेको प्रथम विधान महाधिवेशन सुरु भएको छ ।

ललितपुरको गोदावरीमा सुरु भएको महाधिवेशनमा देशभरबाट ६ हजार बढी प्रतिनिधिहरुको सहभागीता रहेको जनाइएको छ ।

कार्यक्रमको पार्टी अध्यक्ष तथा पूर्वप्रधानमन्त्री केपी शर्मा ओलीले उद्घाटन गर्ने कार्यक्रम रहेको छ ।

 

आउन जान बस

प्रतिनिधिहरूको आवतजावतका लागि सातदोबाटोबाट महाधिवेशन स्थलसम्म झण्डासहितको गाडीको व्यवस्था गरिएको छ । महाधिवेशनमा सहभागी प्रतिनिधिहरूको आवास व्यवस्थापनका लागि सम्पर्क मञ्चहरूलाई जिम्मा दिइएको जनाइएको छ । सहभागी प्रतिनिधिलाई बिहानको खाना र खाजा महाधिवेशन स्थलमा नै उपलब्ध गराइए पनि साँझको खाना व्यवस्थापन प्रतिनिधि स्वयंले गर्नुपर्ने छ ।

महाधिवेशनमा प्रतिनिधि र स्वयंसेवक तथा व्यवस्थापक गरी सात हजार जनाको सहभागिता रहने र त्यसका लागि स्वास्थ्य सुरक्षाका सम्पूर्ण मापदण्ड पूरा गरिने जनाइएको पत्रकार सम्मेलनमा जारी विज्ञप्तिमा उल्लेख छ ।

पोस्टरिङ बन्द

महाधिवेशन प्रचारका लागि वाल पेन्टिङ र वाल पोस्टरिङ पूर्ण बन्द गरिएको छ । पोस्टरको सट्टा सञ्चारमाध्यम, सोसल मिडियाको प्रयोगमा जोड दिइएको छ । सडक बत्तीका पोलमा झण्डा झुन्ड्याइएका छन् । त्यस्तै, केही सहरी क्षेत्रका डिजिटल बोर्ड उपयोग
गरिएको छ ।


क्याटेगोरी : समाचार
ट्याग : #एमालेको प्रथम विधान महाधिवेशन


तपाईको कमेन्ट लेख्नुहोस्