असोज । लामो समयपछि प्रधानमन्त्री शेरबहादुर देउवा मन्त्रिपरिषद् विस्तार गर्ने तयारी गरेका छन् ।

देउवाले माओवादी केन्द्र, नेकपा (एकीकृत समाजवादी) र जनता समाजवादी पार्टी, नेपाल (जसपा)सँग मन्त्रीको नाम मागेको स्रोतले जनाएको छ । देउवाले संभवत बुधबार वा बिहीबारसम्म मन्त्रिपरिषद विस्तारको तयारी गरेका छन् ।

देउवाले कांग्रेसको तर्फबाट नेता रामचन्द्र पौडेल, महामन्त्री शशांक कोइराला र नेता कृष्णप्रसाद सिटौला समूहबाट मन्त्री बनाउनेछन् ।

कांग्रेसले ७, माओवादी, जसपा र एकीकृत समाजवादीले ५ मन्त्री र एक राज्य मन्त्री पाउनेछन् ।

पौडेल समूहभित्र मन्त्रीका लागि सुजाता कोइराला, मीनेन्द्र रिजाल, दिलेन्द्र बडु, तेजुलाल चौधरीको नाम चर्चामा छ । पौडेलले बडुलाई मन्त्री बनाउन खोजेका छन् ।

महामन्त्री शशांक कोइरालाले आफ्नी दिदी सुजाता कोइरालालाई मन्त्री बनाउन चाहेका छन् । नेता सिटौलाले उमाकान्त चौधरीलाई मन्त्री बनाउन चाहेका छन् । सिटौलालाई भीमसेनदास प्रधानलाई मन्त्री बनाउन दवाव छ ।

प्रधानमन्त्री देउवाले मन्त्रिपरिषदलाई पूर्णता दिने तयारी गरेपछि माओवादी केन्द्रका अध्यक्ष पुष्पकमल दाहाल ‘प्रचण्ड’ले अनौपचारिक रुपमा मन्त्रीको सूची तयार पारेको चर्चा छ ।

माओवादीले यसअघि जनार्दन शर्मालाई अर्थ र पम्फा भुसाललाई उर्जा मन्त्रीका रूपमा सरकारमा पठाएको छ । माओवादीबाट दीनानाथ शर्मा, नारायणकाजी श्रेष्ठ, कृष्णबहादुर महरा, हरिबोल गजुरेल, देवेन्द्र पौडेल, सुरेशकुमार राई, अमनलाल मोदी, सुदन किराती, जयपुरी घर्ती, अञ्जना विशंखे र शशी श्रेष्ठलगायतको नाम चर्चामा छ ।

नेकपा (एकीकृत समाजवादी)ले ६ जना मन्त्री पाउनेछ । विरोध खतिवडा, मेटमणि चौधरी, शेरबहादुर कुँवर, रामकुमारी झाँक्री, भवानी खापुङ, प्रेम आले, सोमनाथ पाण्डे र जीवनराम श्रेष्ठ मध्येबाट ६ जना मन्त्री बन्नेछन् ।

जसपाबाट महिन्द्र राय यादव, राजकिशोर यादव, राजेन्द्र श्रेष्ठ, प्रमोद साह, रेणु यादवलगायतको नाम चर्चामा छ ।

क्याटेगोरी : समाचार
ट्याग : #hot, #संभावित नयाँ मन्त्रीहरू

---

---

---