चितवन । चितवन प्रहरीले नगद एक लाख ४४ हजार १७० रुपैयाँसहित ८ जना जुवाडेलाइ पक्राउ गरेको छ ।

पक्राउ पर्नेहरूमा खैरहनी नगरपालिका ८ लक्ष्मीनगरका ४१ वर्षीय कृष्ण श्रेष्ठ, खैरहनी नगरपालिका ६ पुरानो पर्साका ४४ वर्षीय नवीन बस्नेत, खैरहनी नगरपालिका ८ का ४१ वर्षीय विष्णु सुनार, राप्ती नगरपालिका ६ भण्डाराका ३९ वर्षीय सुदिप गिरी, सोही ठाउँका २८ वर्षीय दिपेश बर्तौला, ३६ वर्षीय चुडामणी थपलिया, राप्ती नगरपालिका ४ डडुवाका ६८ वर्षीय केशव प्रसाद तिमिल्सिना र राप्ती नगरपालिका ५ भण्डाराका ३५ वर्षीय सुदन धरेल रहेका छन् ।

खैरहनी नगरपालिका ८ लक्ष्मीनगरस्थित कृष्ण श्रेष्ठको घरमा तास तथा कौडा खेलिरहेको भन्ने सूचनाको आधारमा पुगेको प्रहरीको टोलीले उनीहरुलाइ हिजो (मंगलबार) अपराह्न तास खेलिरहेको अवस्थामा पक्राउ गरेको जिल्ला प्रहरी कार्यालय चितवनले जनाएको छ । पक्राउ परेकाहरू उपर जुवा ऐन अन्तर्गत मुद्दा दर्ता गरी थप अनुसन्धान गर्ने कार्य भईरहेको चितवन प्रहरीले जनाएको छ ।

थप समाचार

विश्वकपबाट बाहिरिएपछि रोनाल्डोको प्रतिक्रिया– भावनामा बगेर कुनै निर्णय गर्दिन

सुनचाँदीको मूल्य घट्यो, कतिमा हुँदैछ कारोबार ?

रोटरी क्लब अफ काठमाडौं नर्थमा नयाँ नेतृत्व, दिगो र प्रभावमुखी…

अमेरिकालाई ४-१ ले पराजित गर्दै बेल्जियम क्वार्टरफाइनलमा