२४ घण्टामा थप २ हजार ५६८ जनामा कोरोना भाइरसको संक्रमण

साझापाना २०७८ साउन १७ गते १७:५२ मा प्रकाशित

साउन । नेपालमा पछिल्लो २४ घण्टामा थप २ हजार ५६८ जनामा कोरोना भाइरसको संक्रमण पुष्टि भएको छ ।

बितेको २४ घण्टामा देशभर ८ हजार ४०२ जनाको आरटी–पीसीआर गर्दा १९८१ जना र ४ हजार २३४ जनाको एन्टिजेन परीक्षण गर्दा ५८७ जना गरी आज २ हजार ५६८ जनामा संक्रमण पुष्टि भएको हो । यो सँगै नेपालमा कोरोना भाइरसबाट संक्रमित हुनेको संख्या ६ लाख ९७ हजार ३७० जना पुगेको छ ।

नेपालमा पछिल्लो २४ घण्टामा कोरोना भाइरस संक्रमणका कारण १८ जनाको मृत्यु भएको छ । यो सँगै नेपालमा कोरोना भाइरसको संक्रमणका कारण ज्यान गुमाउनेको संख्या ९ हजार ८७५ जना पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २ हजार २० जना संक्रमित निको भएका छन् । यो सँगै नेपालमा कोरोना भाइरसको संक्रमणमुक्त हुनेको संख्या ६ लाख ५६ हजार १९७ जना पुगेको छ । यो कुल संक्रमितको ९४.१ प्रतिशत हो ।

हाल देशभर सक्रिय संक्रमितको संख्या ३१ हजार २९८ जना छ । मन्त्रालयका अनुसार हालसम्म नेपालमा ३६ लाख ११ हजार ६७ जनाको स्वाब (नमूना) परीक्षण गरिएको छ भने अहिले ३१ हजार २९८ जना आइसोलेसन र ३७५ जना क्वारेन्टिनमा छन् ।

क्याटेगोरी : समाचार
ट्याग : #रोना भाइरस