काठमाडौं । लायन्स क्लव अफ काठमाडौं शुभारम्भले  बालाजुमा वृक्षारोपण कार्यक्रम गरेको छ ।

कार्यक्रममा बालाजु संरक्षण समिति, लायन्स क्लव इन्टरनेशनल ३२५ बि १ का रिजन–६९, जोन–१३९ र १४० का क्लवहरुद्वारा संयुक्त रूपमा वृक्षारोपण गर्न सहयोग गरेका छन् । वृक्षारोपण कार्यक्रम बालाजु पुल छेउको खाली जग्गमा गरिएको थियो ।

कार्यक्रमको संयोजन गर्ने लायन्स क्लव अफ काठमाडौं शुभारम्भका सेकेण्ड भाइस प्रेसिडेन्ट तथा बालाजु संरक्षण समितिका अध्यक्ष सञ्जय गुरुङप्रति शुभारम्भका अध्यक्ष भाष्कर क्षेष्ठले हार्दिक आभार प्रकट गरेका छन् ।

कार्यक्रमका प्रमुख अतिथि डिस्ट्रिक गर्भनर विशेश्वर लायन आचार्य, फस्ट लेडी सिया लामिछाने, विशेष अतिथि फस्ट डिस्ट्रिक गर्भनर महेन्द्र पौडेल, सेकेण्ड डिस्ट्रिक भाइस गर्भनर मनिश्री लयातका अतिथिहरुको उपस्थिति रहेको थियो । कार्यक्रम गर्न हौसला दिनुका साथै सक्रियतापूर्वक लाग्नुहुने अतिथि जोन चिएरपर्सन धनमायाँ सिञ्जाली श्रेष्ठ लगायतको उपस्थिति रहेको थियो ।

वृक्षारोपण कार्यक्रमपछि सोही स्थानमै केक काटेर लायन्स क्लव अफ काठमाडौं शुभारम्भका अध्यक्ष भाष्कर श्रेष्ठसहित मुस्कान महर्जन, सुस्मिता गुरुङ, सुरेन्द्र कुमार सांघाईको जन्मदिन मनाइएको थियो ।

क्याटेगोरी : समाचार
ट्याग : #लायन्स क्लव अफ काठमाडौं

---

---

---