नाबालिकालाइ जवरजस्ती करणी गरेको आरोपमा एक जना पक्राउ

प्रनिश थापा चितवन संवाददाता २०७८ जेठ २५ गते २१:०१ मा प्रकाशित

चितवन । चितवनमा आठ बर्षिया नाबालिकालाइ जवरजस्ती करणी गरेको आरोपमा प्रहरीले एक जनालाइ पक्राउ गरेको छ ।

जिल्ला प्रहरी कार्यालय चितवनका अनुसार तनहुँ बन्दीपुर नगरपालिका ६ घर भई हाल भरतपुर महानगरपालिका ७ स्थित माछापुच्छ्रेमा डेरा गरी बस्ने एक नाबालिकालाई जवरजस्ती करणी गरेको आरोपमा प्रहरीले उदयपुर कटारी नगरपालिका ६ घर भई हाल भरतपुर महानगरपालिका ९ बस्ने ३८ बर्षिया दिपमान सिंह राईलाइ (आइतबार) पक्राउ गरेको हो ।

पक्राउ परेका राइ र बालिकाकी आफन्त बिगत २ बर्ष देखी सामान्य चिनजान रहेको र सोही क्रममा राइले घरमा कोही नभएको अवस्थामा एकान्त समयको मौका छोपी शनिबार साँझ जवरजस्ती करणी गरेको बताइएको छ ।

पक्राउ परेका उनलाई सम्मानित चितवन जिल्ला अदालतबाट १० (दश) दिनको म्याद अनुमति लिई थप अनुसन्धान गर्ने कार्य भईरहेको प्रहरीले जनाएको छ । बलात्कृत बालिकाले विहानैदेखि बान्ता गरेपछि आफन्तले घटना बारे थाहा पाएका हुन् । उनको प्रारम्भिक स्वास्थ्य परीक्षण गर्दा पाठेघरमा रगत जमेको छ । घरमा बालिकाकी १० वर्षीय दाजु र आमा बसोबास गर्दै आइरहेका थिए ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय