प्रतिबन्धित लागूऔषध सहित दुइ जना पक्राउ

प्रनिश थापा चितवन संवाददाता २०७८ जेठ १२ गते १९:३७ मा प्रकाशित

चितवन । चितवन प्रहरीले छुट्टाछुट्टै स्थानहरुबाट लागूऔषध सहित दुुइ जनालाई पक्राउ गरेको छ । जिल्ला प्रहरी कार्यालय चितवनले दिएको जानकारी अनुसार गत, जेठ ९ गते राप्ती नगरपालिका ३ गड्यौलीबाट लागूऔषध नाईट्राजेपाम ४९० ट्याब्लेट सहित राप्ती नगरपालिका २ बस्ने २५ बर्षिया सुदिप भन्ने तारानाथ पाण्डेलाइ पक्राउ गरिएको जनाएको छ ।

त्यस्तै, प्रहरीले जेठ १० गते भरतपुर महानगरपालिका ११ स्थित मालपोतचोक नजिकै बाट रजत श्रेष्ठले संचालन गरेको मुक्तिनाथ डिजिटल फार्मेसीबाट समेत प्रतिबन्धित लागूऔषध सहित फार्मेसीका संचालक ३५ बर्षिया रजत श्रेष्ठ लाई प्रहरीले पक्राउ गरेको हो ।

पक्राउ परेका श्रेष्ठको साथबाट प्रहरीले केयरज्याक लेखेको १७ एम्पुल, नुरफ्रिङ १७ एम्पुल, फेनेरागन १७ एम्पुल, नाइट्रावेट १० लेखेको ३८ थान ट्याब्लेट समेत बरामद गरेको जनाएको छ ।

पक्राउ परेेका दुबै विरुद्ध सम्मानित चितवन जिल्ला अदालतबाट म्याद थप गरी अनुसन्धान गर्ने कार्य भईरहेको चितवनका प्रहरी प्रमुख (एसपी) ओम प्रसाद अधिकारीले जानकारी दिए । पछिल्लो समय चितवनमा निषेधाज्ञा बढेसँगै प्रहरीको समेत सक्रियता बढ्दै गएको छ । प्रहरीको सक्रियताकै बाबजुद लागूऔषध कारोबारीहरु समेत धमाधम पक्राउ पर्दै आएका छन् ।

क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय