चितवन प्रहरीको सक्रियता : लागूऔषध गाँजा मुद्दामा फरार प्रतिवादी पक्राउ

प्रनिश थापा चितवन संवाददाता २०७८ जेठ १२ गते १९:२६ मा प्रकाशित

चितवन । चितवन प्रहरीले लागूऔषध गाँजा मुद्दामा फरार रहदै आएका एक प्रतिवादीलाइ मंगलबार पक्राउ गर्न सफल भएको छ ।

चैत १२ गते चितवन जिल्ला अदालतले लागूऔषध गाँजा मुद्दामा सात बर्ष कैद र ७० हजार रुपैयाँ जरीवाना तथा दुइ हजार आठ सय राहत कोषमा दाखिला गर्न आदेश भए बमोजिम फरार रहदै आएका भरतपुर महानगरपालिका २४ बस्ने पदम बहादुर तामाङलाई प्रहरीले पक्राउ गर्न सफल भएको हो ।

झन्डै २ महिनासम्म फरार रहदै आएका तामाङलाइ प्रहरीको ब्यापक खोजतलास तथा सक्रियताका कारण मंगलबार पकाउ गर्न सफल भएको चितवन प्रहरीका प्रमुख (एसपी) ओम प्रसाद अधिकारीले जानकारी दिए । (एसपी) अधिकारीका अनुसार पक्राउ परेका तामाङलाइ फैसला कार्यान्वयनको लागी सम्मानित चितवन जिल्ला अदालतमा बुझाईएको र अदालतको आदेश अनुसार नै तामाङलाइ जिल्ला कारागार भरतपुरमा पठाइएको बताए ।

निषेधाज्ञाको बाबजुद पनि चितवन प्रहरीले फरार प्रतिवादीहरुलाइ धमाधम पक्राउ गर्दै फैसला कार्यान्वयनका लागी जिल्ला अदालतमा बुझाउदै आएको छ ।

क्याटेगोरी : अपराध/सुरक्षा, विशेष, देश परदेश, समाचार, स्थानीय