पाँचथरका लागि कन्सन्ट्रेटर र अक्सिजन सिलिण्डर खरिदमा बाँस्कोटाको सहयोग

साझापाना २०७८ जेठ ७ गते ०८:४९ मा प्रकाशित

काठमाडौ, ६ जेठ- पाँचथर उद्योग वाणिज्य संघलाई कन्सन्ट्रेटर र अक्सिजन सिलिण्डर खरिदका लागि महिला उद्यमी शान्ता बाँस्कोटाले सहयोग गरेकी छिन । पाँचथर उद्योग वाणिज्य संघद्धारा संचालित २० थान अक्सिजन कन्सन्ट्रेटर मेसिन र ५० थान अक्सिजन सिलिण्डर व्यवस्थापन गर्ने अभियानमा शान्ता बास्कोटा कोईरालाले २० हजार नगद सहयोग गरेकी हुन ।

त्यसो त उक्त अभियानलाई सफल पार्न बाँस्कोटाले रकम संकलनमा समेत सघाउने भएकी छिन । त्यसका लागि स्वदेश र विदेशमा रहने आफन्तजन लगायत शुभेच्छुकजनसँग अभियानमा जोडिएर काम गर्न आफुले आग्रह गर्ने गरेको उनले बताईन् ।

फिदिम नगरपालिका वडा नं ७ मा जन्मिएकी बाँस्कोटा हाल काठमाडौंमा बसोबास गर्छिन् । उनी नेपाल घरेलु तथा साना उद्योग महासंघ अन्तर्गत केन्द्रिय महिला कार्य समितीकी सचिव समेत हुन ।

त्यसैगरि फिदिम २ स्थित श्री लक्ष्मी ट्रेड एंड इन्टरप्राइजेज प्रा लि का संचालकद्वय गौरी प्रसाद भण्डारी र टासी शेर्पाले एक थान अक्सिजन सिलिन्डर बापतको रु १५००० सहयोग गरेका छन् ।

क्याटेगोरी : समाचार