चितवन । चितवन प्रहरीले प्रतिबन्धित लागूऔषध गाँजासहित एक जनालाई पक्राउ गरेको छ । पक्राउ पर्नेमा भरतपुर महानगरपालिका २७ का २९ वर्षीया सुदिप थापा मगर रहेका छन् । उनको साथबाट प्रहरीले २५० ग्राम प्रतिबन्धित लागूऔषध गाँजा फेला परेको छ ।

जिल्ला प्रहरी कार्यालय चितवनका प्रहरी प्रमुख (एसपी) ओम प्रसाद अधिकारीका अनुसार गएको बैशाख २१ गते दिउँसो साँढे ४ बजेको समयमा भरतपुर महानगरपालिका ४ रामघाटस्थित पुल्चोकदेखी शरणपुरतर्फ जाँदै गरेको ना.३७.प ६२३१ नम्बरको स्कुटरले साइकलयात्री जमिर अतरलाई ठक्कर दिएर भाग्न खोज्दा उनलाई प्रहरीले नियन्त्रणमा लिइएको थियो ।

पक्राउ परेका मगरको शरीर खानतलासी गर्दा उनले लगाएको कालो ज्याकेटको भित्रपट्टी कागजको २३ ओटा पोका पारी २३ ओटा पोकालाई प्लाष्टिक भित्र लुकाई छिपाई राखेको अबस्थामा २५० ग्राम प्रतिबन्धित लागूऔषध (गाँजा) फेला परेको बताए । पक्राउ परेका उनलाई जिल्ला प्रहरी कार्यालय चितवनले नियन्त्रणमा लिइ थप अनुसन्धान गरिरहेको जनाएको छ ।

थप समाचार

प्रधानमन्त्री खोज्दै विपक्षीको विरोध, सभामुखले भने- छिट्टै सदनमा जवाफ दिने…

पत्रकार किशोर श्रेष्ठ जोडिएको घटनाबारे चिनियाँ दूतावासको चासो, गहिरो छानबिन…

उपन्यासकार मल्लद्वारा लिखित उपन्यास “नक्खी” सार्वजनिक

हेराल्ड उत्कृष्ट नतिजासहित गुणस्तरीय शिक्षाको भरोसायोग्य गन्तव्य : विनोद रेग्मी