सवारी साधनको भाडामा मन परी छ गुणाबढी भाडा लिने गरेको प्रहरीको खुलासा

बढी भाडा असुली गर्ने प्रहरीको फन्दामा

साझापाना २०७८ वैशाख २४ गते ०७:५७ मा प्रकाशित

काभ्रेपलाञ्चोक ।काठमाडौँबाट धनुषाको जनकपुरसम्म जाँदा करिब छ गुणा बढी भाडा लिने सवारी साधनलाई जिल्ला ट्राफिक कार्यालय काभ्रेपलाञ्चोकले कारवाही गरेको छ ।

काठमाडौँबाट जनकपुर गइरहेको काठमाडौँ पूर्वी–नाका साँगामा १५ जना यात्रु बोकेर आएको उक्त सवारीलाई जाँचका क्रममा बढी भाडा लिएकोमा कारवाही गरिएको प्रहरीले बताएको छ ।

प्रतियात्रु रु १५ हजारको दरले भाडा लिएको जनाउँदै चालक सुरज भण्डारीसहित उक्त यातायत साधनलाई यातायात व्यवस्था विभागमा कारवाहीको सिफारिश गरिएको कार्यालय प्रमुख ट्राफिक इन्चार्ज प्रमिला श्रेष्ठले बताइन ।

चालक र सवारी साधन होल्ड गरी कारवाही सिफारिश गरेको उनको भनाइ छ ।

क्याटेगोरी : समाचार
ट्याग : ##छ गुणाबढी भाडा