कास्की।कास्कीको माछापुच्छ«े गाउँपालिका–२ को सार्दिखोला स्वास्थ्यचौकीको सेवा मङ्गलबारदेखि बन्द भएको छ । स्वास्थ्यचौकीमा कार्यरत एक स्वास्थ्यकर्मीलाई कोरोना भाइरस सङ्क्रमण पुष्टि भएपछि स्वास्थ्यचौकीबाट प्रदान गरिने सम्पूर्ण सेवा अनिश्चितकालका लागि बन्द गरिएको स्वास्थ्यचौकी इन्चार्ज शिवबहादुर केसीले बताए ।

इन्चार्ज केसीका अनुसार स्वास्थ्यकर्मीमा सङ्क्रमण पुष्टि भएपछि फैलावट रोक्न अन्य कर्मचारी कन्ट्याक्ट ट्रेसिङका लागि क्वारेन्टिनमा बस्नुपरेकाले अर्को सूचना जारी नभएसम्मका लागि सेवा बन्द गरिएको हो ।

औषधीमूलोको लागि नजिकको एकमात्र आशाको केन्द्र उक्त स्वास्थ्यचौकी नै अनिश्चिितकालका लागि बन्द भएसँगै विकल्प नभएकोमा स्थानियहरुले भने चिन्ता व्यक्त गरेका छन् ।

गाउँपालिकामा कोरोना सङ्क्रमित बढेपछि गाउँपालिकाको सेवा पनि  बन्द गरिएको छ ।

 

क्याटेगोरी : समाचार, स्थानीय, स्वास्थ्य
ट्याग : ##सार्दिखोला स्वास्थ्यचौकी, #breaking

---

---

---