चितवन । चितवन प्रहरीले जुवा खेल्दै गरेका १० जना जुवाडेलाइ बुधबार पक्राउ गरेको छ । पुर्वी चितवनको कालिका नगरपालिका वडा नम्बर ६ स्थित गैरीबारीमा रहेको अमर बहादुर खत्रीको घरमा तास खेलिरहेको भन्ने विशेष सूचनाको आधारमा इलाका प्रहरी कार्यालय रत्ननगर र प्रहरी चौकी खोलेसिमलबाट खटिएको प्रहरीको टोलीले एक बुक तास र अन्दाजी ५१ हजार ३८५ रुपैयाँ नगद सहित १० जना जुवाडेहरुलाई पक्राउ गरेको हो ।

पक्राउ पर्नेहरूमा कालिका नगरपालिका ९ का ३८ वर्षीया नगेन्द्र श्रेष्ठ, सोही स्थानका २४ वर्षीया किशोर थापा, कालिका नगरपालिका ८ का ३९ वर्षीया जीवन भन्ने तुलाध्वज खत्री, सोही स्थानका ४० वर्षीया अजीत कुमार बल तामाङ, ३१ वर्षीया प्रकाश थापा, ४१ वर्षीया वासुदेव खत्री, ४० वर्षीया बुद्ध बहादुर मगर, २४ वर्षीया सुमन नेपाल, १९ वर्षीया रेशम प्रजा, ३३ बर्षीया यादव कुमार चेपाङ रहेका छन् ।

ईलाका प्रहरी कार्यालय रत्ननगर चितवनका प्रहरी प्रमुख इन्द्रबहादुर रानाका अनुसार पक्राउ परेकाहरुलाइ अहिले आवश्यक कार्वाहीका लागी आफ्नु नियन्त्रणमा राखेको बताए । उहाँहरु हाम्रो नियन्त्रणमा हुनुहुन्छ, हामीले अनुसन्धान गरिरहेका छौँ, उनलेे भने ।

थप समाचार

प्रधानमन्त्री खोज्दै विपक्षीको विरोध, सभामुखले भने- छिट्टै सदनमा जवाफ दिने…

पत्रकार किशोर श्रेष्ठ जोडिएको घटनाबारे चिनियाँ दूतावासको चासो, गहिरो छानबिन…

उपन्यासकार मल्लद्वारा लिखित उपन्यास “नक्खी” सार्वजनिक

हेराल्ड उत्कृष्ट नतिजासहित गुणस्तरीय शिक्षाको भरोसायोग्य गन्तव्य : विनोद रेग्मी