काठमाडौं । काठमाडौंंको पुरानो बानेश्वरमा रहेको “ग्लोबल इन्फो भिसा सर्भिस” ले सेवाग्राहीलाई पासपोर्ट र पैसा फिर्ता लैजान अपिल गरेको छ ।

कम्पनीका सञ्चालक सुन्दरमणी अधिकारीले आज (सोमबार) साझापाना अनलाइनसँग कुरा गर्दै युवाहरूले बिदेश पठाइदिन भन्दै आफ्नु संस्थामा दिइएको पैसा र पासपोर्ट तत्कालका लागी फिर्ता लैजान भनेको हो ।

विविध कारणले गर्दा अहिलेका लागी हामी सेवा दिन असमर्थ छौँ, कम्पनीका सञ्चालक अधिकारी भन्छन् – हामी छिट्टै नयाँ सोचाइका साथ अझै परिस्कृत ढंगले अघि बढ्ने छौँ । उक्त कन्सलटेन्सी प्राविधिक कारणवश बिहीबारदेखि बन्द रहेको र केही समयमै यसलाई थप निरन्तरता दिने कम्पनीको भनाइ छ ।

कम्पनीका सञ्चालक समेत रहेका अधिकारीले सामाजिक सञ्जालमा आएजस्तो समाचारमा कुनै सत्यता नरहेको बताए । हाम्रो तर्फबाट पनि कहिँ कतै त्रुटि त भएको छ नै हामी त्यस गल्तीलाइ सुधार गरेर अघि बढ्न तयार छौँ ।

उनलेे भने, बिहीबार हाम्रो कम्पनीमाथि अनुगमन गरेको र सो, समयमा आफु विशेष कारणले बाहिर रहेकोले कम्पनीमा शिल गरेको कुराले आफुलाइ दुखित तुल्याएको उनलेे बताए । साथै, उनलेे बिभागले अनुसन्धान गरिरहेको छ भन्ने खबर प्राप्त भएपछि हामी नियमित रूपमा बिभागमा उपस्थित भएका छौँ, फरार भएका छैनौं ।

पीडित युवाहरूलाई आफ्नु र संस्थाको ठगी गर्ने कुनै नियत नभएको भन्दै उनलेे तत्कालका लागी सेवा दिन संस्था असमर्थ रहेको बताए । उनले भने, उनीहरुबाट लिइएको सम्पुर्ण डकुमेन्ट फिर्ता गर्न कम्पनी तयार छ । साथै, कम्पनीले कम्पनी विरुद्ध राजेश खत्रीले कम्पनी रजिस्ट्रार कार्यालयमा उजुरी दर्ता गरे पनि अन्त : फिर्ता लिइएको बताए । हामी विरुद्ध उहाँले कम्पनी रजिस्ट्रार कार्यालयमा उजुरी दर्ता गराउनुभएको रहिछ, अहिले फिर्ता लिनुभयो भन्ने जानकारी आएको छ ।

क्याटेगोरी : समाचार

---

---

---