काठमाडौं ।नेपालस्थित इजरायली राजदूतावासले पाटन स्वास्थ्य विज्ञान प्रतिष्ठान (पाटन अस्पताल) लाई स्वास्थ्य उपकरण हस्तान्तरण गरेको छ । राजदूत अन्न गोडरले सोमबार अस्पतालका निर्देशक डा. रवि शाक्यलाई एकएक थान एनेस्थेसिया प्रविधि, प्यासेन्ट मनिटर र इलेक्ट्रोकाडियोग्राफ उपकरण हस्तान्तरण गरेका हुन् ।

स्वास्थ्य उपकरण हस्तान्तरण गदै राजदूत गोडरले ललितपुरका अस्पतालमध्ये पाटन अस्पताल कोरोनाको उपचार र नियन्त्रणमा अग्र स्थानमा रहेर काम गरेको बताए।

अस्पतालका निर्देशक डा. शाक्यले यी उपकरणको प्रयोगबाट अस्पतालले थप आवश्यक सेवा दिन सक्ने बताएका छन् ।

निर्देशक डा. शाक्य का अनुसार एनेस्थेसिया प्रविधि हरेक बिरामीलाई शल्यक्रिया गर्नुपर्दा बेहोश गर्न काम लाग्नाका साथै प्यासेन्ट मनिटर भने बेहोश बिरामीको रक्तचाप, मुटुको चाल तथा श्वासप्रश्वास आदिका बारेमा जानकारी लिन आवश्यक पर्छ । त्यस्तै इलेक्ट्रोकाडियोग्राफ उपकरणले  मुटुको अवस्थाका बारेमा चिकित्सकलाई राम्रो जानकारी दिन्छ ।

क्याटेगोरी : समाचार, स्वास्थ्य
ट्याग : ##पाटन अस्पताललाई स्वास्थ्य उपकरण हस्तान्तरण

---

---

---