वाङ्मय शताब्दी पुरूष सत्यमोहन जोशी र उनकी श्रीमती राधादेवी जोशीले मृत्युपछि शरीर दान दिने घोषणा गरेका छन् । शुक्रबार ललितपुर महानगरपालिकाको प्राङ्गणमा नइ प्रकाशनले आयोजना गरेको कार्यक्रममा उनीहरूले मृत्युपछि शरीर दान दिने घोषणा गरेका हुन् ।

चिकित्सा विज्ञान प्रयोगात्मक ज्ञानका लागि मरणोपरान्त आफ्नो शरीर दान दिएको उनीहरूको भनाइ छ । सत्यमोहन १०१ वर्षमा हिँडिरहेका छन् भने पत्नी राधादेवी ९७ वर्षकी भइन् । दम्पतीले आ(आफ्नो भौतिक शरीर मृत्युपछि किष्ट मेडिकल कलेजलाई दान दिने बताएका छन् । दम्पतीको हस्ताक्षरसहितको किष्ट मेडिकल कलेजलाई लेखिएको शरीर दान गर्ने मन्जुरी पत्रमा उनीहरूका छोरा अनुपराज जोशीको सहमतिको समेत हस्ताक्षर छ ।

ललितपुर महानगरका मेयर चिरिबाबु महर्जनको उपस्थितिमा उक्त घोषणा कार्यक्रम आयोजना गरिएको हो ।

क्याटेगोरी : समाचार
ट्याग : #hot, #सत्यमोहन जोशी

---

---

---