कपिलवस्तु । अवैध लागूऔषध सहित कपिलवस्तुबाट प्रहरीले एक जनालाई पक्राउ गरेको छ । नियमित गस्तीका क्रम्मा प्रहरी चौकी पत्थरदेईयाबाट खटिएको प्रहरीको टोलीले बुधबार बिहान ६ बजे लागुऔषध सहित दाङ घोराही उपमहानगरपालिका वडा नंम्बर १३ राधाकृष्ण टोल बस्ने लक्ष्मण श्रेष्ठको छोरा बर्ष २० को पुर्णबहादुर श्रेष्ठलाई पक्राउ गरेको हो ।

पक्राउ परेका श्रेष्ठको साथबाट प्रहरीले शरीरको भित्री भागको कम्मरमा प्लाष्टिकको टेपले बाँधेर राखेको अवस्थामा ट्रामाडोल एक सय सात पत्ताको एक हजार सत्तरी गोटा ट्याब्लेट लुकाई छिपाई ल्याईएको अवस्थामा प्रहरीले उनलाई पक्राउ गरेको जिल्ला प्रहरी कार्यालय कपिलवस्तुका प्रहरी प्रमुख एसपी नवराज अधिकारीले जानकारी दिए ।

एसपी अधिकारीका अनुसार पक्राउ परेका श्रेष्ठलाई बिजयनगर गाउँपालिका वडा नंम्बर ३ डगडईमा पत्थरदेईयाबाट त्रिपालनगरतर्फ पैदल आउँदै गरेको अवस्थामा शंका लागी चेकजाँच गर्ने क्रममा प्रहरीले पक्राउ गरेको बताए । यस बिषयमा प्रहरीले थप अनुसन्धान गरिरहेको जनाइएको छ ।

थप समाचार

विश्वकपबाट बाहिरिएपछि रोनाल्डोको प्रतिक्रिया– भावनामा बगेर कुनै निर्णय गर्दिन

सुनचाँदीको मूल्य घट्यो, कतिमा हुँदैछ कारोबार ?

रोटरी क्लब अफ काठमाडौं नर्थमा नयाँ नेतृत्व, दिगो र प्रभावमुखी…

अमेरिकालाई ४-१ ले पराजित गर्दै बेल्जियम क्वार्टरफाइनलमा