तारकेश्वर नगरपालिका वडा नं. ७ स्थित नागपोखरी थापा गाउँमा बिहिबारदेखि सार्वजनिक नयाँ बस सञ्चालनमा

साझापाना २०७७ माघ १६ गते १४:५५ मा प्रकाशित

१६ माघ, काठमाडौं ।
तारकेश्वर नगरपालिका वडा नं. ७ स्थित नागपोखरी थापा गाउँमा बिहिबारदेखि सार्वजनिक नयाँ बस सञ्चालनमा आएको छ । धेरै पहिलादेखि स्थानीय जनताको माग पुरा भएको छ । ज्येष्ठ नागरिक काले थापाको प्रमुख आथित्यमा बिहिबार बिहान भएको रुट उद्घाटन तारकेश्वर नगरपालिका वडा नं.७ का वडा सदस्य मिठाराम खत्रीले रिबन काटेर उद्घाटन गरेका थिए ।

थापा गाउँ टोल सुधार समिति र सन्तानेश्वर महादेव मन्दिरका अध्यक्ष अर्जुन थापाकाअनुसार त्यस ठाउँमा भाडा बसको अत्यधिक माग भएको र आवश्यकता देखिएकाले भाडा बस सञ्चालन गर्न बालाजु–बाइसधारा यातायात प्रा।लि।लाई बारम्बार जानकारी गराउँदा सफल भएको बताएका थिए ।

कार्यक्रममा स्थानीय उपभोक्ताहरु, महिला समूह, सुरक्षाकर्मीको बाक्लो उपस्थीति रहेको थियो । सार्वजनिक बसको रुट सञ्चालन भएपछि स्थानीयबासीमा खुशी छाएको थियो । कार्यक्रमका सभापति तथा बालाजु–बाइसधारा यातायात प्रा.लि. का अध्यक्ष प्रेमबहादुर शाहीले थापा गाउँमा राम्रोसँग बस सञ्चालन गर्ने प्रतिवद्धता जनाएका थिए ।

क्याटेगोरी : समाचार
ट्याग : #तारकेश्वर नगरपालिका वडा नं. ७