चोरीको मोटरसाइकल सहित दुइ जना पक्राउ

प्रनिश थापा चितवन संवाददाता २०७७ पुस २१ गते १९:४९ मा प्रकाशित

चितवन । चितवन प्रहरीले मोटरसाइकल चोरी गर्दै हिंड्ने दुइ जनालाई पक्राउ गरेको छ । जिल्लामा लामो समयदेखि मोटरसाइकल चोरी गर्दै हिंड्ने गिरोहहरु प्रति आक्रमक बन्दै आएको चितवन प्रहरीले आज मंगलबार चार वटा मोटरसाइकल सहित दुइ जनालाई पक्राउ गरेको हो ।

पक्राउ पर्नेहरूमा भरतपुर महानगरपालिका १३ पाँडेघुम्ती बस्ने अन्दाजी २०/२२ बर्षका मणी गौतम र मंगलपुरको ग्यारेज चलाइ बस्ने अर्का एक जना नाम नखुलेको ब्यक्ति रहेकोे बताइएको छ । गौतमलाइ ३ दिन अगाडी पक्राउ गरेको भएपनि ग्यारेज चलाइ वस्ने अर्को एक जनालाई भने आज मात्रै पक्राउ गरिएको हो ।

उनीहरुको साथबाट टि ट्वान्टी मोटरसाइकल बरामद गरिएको जिल्लाको एक घुमुवा प्रहरी स्रोतले आफ्नु नाम नबताउने सर्तमा बताए । घट्नाबारे भोलि पत्रकार सम्मेलनमार्फत थप जानकारी गराइने चितवन प्रहरीले जनाएको छ ।

क्याटेगोरी : अपराध/सुरक्षा, विशेष, देश परदेश, समाचार