तारकेश्वर नगरपालिकाले ७० वर्ष माथिका ज्येष्ठ नागरिकलाई स्वास्थ्य जाँचका लागि घरदैलोमै पुगेर स्वास्थ्य परीक्षण गरेको छ । स्वास्थ्य संस्थासम्म पुग्न नसक्ने ज्येष्ठ नागरिकलाई घरमै सुविधा दिने उद्देश्यले घरदैलो स्वास्थ्य परीक्षण कार्यक्रम शुरु गरिएको नगर स्वास्थ्य शाखा प्रमुख जनाद्र्धन अधिकारीले जानकारी दिनुभयो ।

घरदैलो स्वास्थ्य परीक्षण कार्यक्रम नगरपालिकाको ११ वटै वडामा सञ्चालन भइरहेको उहाँले बताउनुभयो । यस कार्यक्रमका लागि स्वास्थ्य चौकीका प्रमुखको नेतृत्वमा टोली बनाइएको छ । अब नगरपालिकाले ज्येष्ठ नागरिकलाई पोषणयुक्त खानेकुरा तथा जोडोमा न्यानो कपडासमेत पनि वितरण गर्ने बताएको छ ।

स्वास्थ्य सुविधालाई नागरिकको पहुँचसम्म पु¥याउन नगरपालिकाले छ वटा शहरी स्वास्थ्य केन्द्र र प्रत्येक वडामा एउटा÷एउटा ल्याबसहितको स्वास्थ्य चौकी सञ्चालन गरिरहेको छ । आगामी दिनमा महामारी, दैवीप्रकोपजस्ता असाधारण समयमा तत्काल सेवा प्रदान गर्न आकस्मिक स्वास्थ्य कोष स्थापना गरी विशेषज्ञसहितको स्वास्थ्य शिविर पनि सञ्चालन गरिने नगरपालिकाले जनाएको छ ।

क्याटेगोरी : समाचार
ट्याग : #घरदैलोमै पुगेर स्वास्थ्य परीक्षण शुरु

---

---

---