तारकेश्वरको प्रशासकीय भवनका लागि जिसस काठमाडौंको १० करोड सहयोग

साझापाना २०७७ कात्तिक २९ गते ११:२४ मा प्रकाशित

तारकेश्वर नगरपालिकाको प्रशासकीय भवन निर्माणका लागि जिसस काठमाडौंले १० करोड सहयोगका लागि सम्झौता भएको छ ।

तारकेश्वर नगरपालिकामा अत्याधुनिक नगर प्रशासनिक भवन ३० महिनाभित्र काम सम्पन्न गर्ने गरी ठेकेदारसँग असोज २९ गते सम्झौता भएको छ ।

तारकेश्वर नगरपालिकाको गौरवको योजना अन्तर्गत १७ करोड लगानीमा प्रशासनिक भवन बन्न लागेको हो । भवन निर्माणको लागि जिल्ला समन्वय समितिबाट ६० प्रतिशत र नपुग ४० प्रतिशत रकम तारकेश्वर नगरपालिकाले व्यहोर्ने शर्तमा भवन निर्माण हुनेछ ।

जिसस काठमाडौंको कार्यालयमा जिसस काठमाडौंका प्रमुख शिबसुन्दर राजवैद्यज्यु र तारकेश्वर नगरपालिका नगरप्रमुख रामेश्वर वोहरा को उपस्थितिमा जिसस काठमाडौंले १० करोड उपलव्ध गराउने सम्झौता गरिएको हो ।।

सो अवसरमा जिसस काठमाडौं उपप्रमुख सरिता दाहाल र तारकेश्वर नगरपालिकाकी उपप्रमुख भवानी डोटेल को पनि उपस्थिति रहेको थियो ।

क्याटेगोरी : समाचार
ट्याग : #तारकेश्वरको प्रशासकीय भवन\