भोजपुर र संखुवासभाका ६ वटा सामुदायिक विद्यालयलाई राष्टिय वाणिज्य बैक द्वारा २० वटा कम्प्युटर हस्तान्तरण

साझापाना २०७७ कात्तिक १६ गते १८:२३ मा प्रकाशित

संखुवासभा— राष्टिय वाणिज्य बैकले भोजपुर र संखुवासभाका ६ वटा सामुदायिक विद्यालयलाई २० वटा कम्प्युटर हस्तान्तरण गरेको छ । भोजपुरको साल्पासिलिछो गाउँपालिकाका ५ र संखुवासभाको खाँदबारी नगरपालिकाको एउटा विद्यालयलाई कम्युटर हस्तान्तरण गरिएको हो । बैकले संस्थागत सामाजिक उत्तरदायित्व कार्यक्रम अन्तगत यी विद्यालयलाई कम्प्युटर वितरण गरेको ब्रान्च अपरेसन डिपार्टका प्रतिनिधि जितेन्द्र राईले बताउनुभयो ।

जिल्ला समन्वय समितिका प्रमुख सुमन शाक्य, सहायक प्रमुख जिल्ला अधिकारी मोहणमणी घिमिरे, राष्टिय वाणिज्य बैक ब्रान्च अपरेसन डिपार्टका प्रतिनिधि जितेन्द्र राईले विद्यालयलाई शनिबार कम्प्युटर हस्तान्तरण गर्नुभएको हो ।

राष्टिय वाणिज्य बैक खाँदबारी शाखाका प्रवन्धक अनिश रायमाझीका अनुसार भोजपुरको जालपा माबि चौकीडाडा, जालपा आधारभूत विद्यालय, हिमालय आधारभूत विद्यालय, आईतबारे आधारभुत विद्यालय र जयकला आधारभूत विद्यालय र संखुवासभाको खाँदबारीमा रहेको सिंहेवी आधारभूत विद्यालय माल्टालाई कम्प्युटर हस्तान्तरण गरिएको हो ।