शिवम डेभलपर्स र एभरेस्ट पस्मिनाको सहयोगमा २ सय ५० घर परिवारलाई राहत वितरण

साझापाना २०७७ कात्तिक ६ गते १८:५४ मा प्रकाशित

ललितपुर, ०६ कार्तिक ( शिवम डेभलपर्स र एभरेस्ट पस्मिनाको सहयोगमा ललितपुरको गोदावरी नगरपालिका (१३ का २ सय ५० घर परिवारलाई राहत वितरण गरिएको छ । विहिवार वडा स्थित दुई स्थानबाट राहत स्वरुप प्रति परिवार चामल एक बोरा, तेल एक पाकेट, नुन एक प्याकेट, चिउरा एक किलो, दाल एक केजी र साबुन वितरण गरियो । गोदावरी नगरपालिका १३ नम्बर वडाको समन्वयमा सो राहत वितरण गरिएको हो ।
उक्त राहत सामाग्री वडाध्यक्ष भाष्कर थापाले वितरण गरेका थिए । राहत वितरण पूर्व घरदैलो गरेर नामावली संकलन गरिएको थियो । कोही पनि भोकै बस्न नपरोस् भन्ने उदेश्यका साथ चाडबाडलाई लक्षित गरि खाद्य सामाग्री वितरण गरेको वडाध्यक्ष थापाले बताए ।

राहत वितरण स्थलबाटै स्थानियहरुलाई निशुल्क मास्क वितरण गरिएको थियो । यस अघि सोही कार्यक्रम माझ स्थानिय युवा उद्धव थापाले वडाध्यक्ष थापालाई एक हजार पिस माक्स हस्तान्तरण गरेका थिए ।

क्याटेगोरी : समाचार
ट्याग : #एभरेस्ट पस्मिना