बाढीपहिरोबाट ७७ जनाको ज्यान गएको र ३८ जना वेपत्ता भएको सिन्धुपाल्चोक मा अनुगमन गर्न वाग्मतीका प्रदेश सभा अन्तर्गतको उद्योग पर्यटन, वन तथा वातावरण समितिका सभापति रमा आलेसहित पाँच सदस्यीय संसदीय टोली गएको छ। सो टोलीमा समितिका सदस्यहरु निमा लामा, बिराज भट्ट श्रेष्ठ, बद्रीप्रसाद मैनाली र राजेन्द्र गुरुङ छन् ।

उक्त टोलीले बाह्रबिसेको खागदलबाट जिल्लाको बाढीपहिरोग्रस्त क्षेत्रको अनुगमन सुरु गरेका छन भने बिभिन्न ठाँउको अनुगमन गरेर प्रतिवेदन तयार पार्ने योजना रहेको छ ।
भोटेकोशी करिडोर आसपासका क्षेत्र, लिदीका पहिरोपीडितसँग अन्तरक्रिया गर्ने कार्यक्रम संगै संसदीय टोलीले जिल्लास्थित प्रमुख जिल्ला अधिकारी तथा जिल्ला विपद् व्यवस्थापन समितिका अध्यक्ष उमेशकुमार ढकाल, जिल्ला प्रहरी प्रमुख राजन अधिकारीलगायत सरोकारवालाहरुसँग छलफल गर्ने कार्यक्रम रहेको छ।

बाढीपहिरोलका कारण गत असारयता मुलुकभरीमै सवैभन्दा धेरै मानवीय क्षति भएको सिन्धुपाल्चोकमा ७७ जानको ज्यान गएको छ भने ३८ जना वेपत्ता छन् ।भोटेकोशी, ब्रम्हायणी, मेलम्ची र इन्द्रवाती करिडोरको आसपासमा बाढीपहिरोले बढी क्षति गरेको छ। बिभिन्न स्थानका बस्तीहरुमा पहिरोको जोखिम छ भने ६ सय भन्दा बढी घरधुरीलाई अन्यत्रै स्थानमा सार्नुपर्ने अवस्था छ। सरकारले सिन्धुपाल्चोकलाई बाढीपहिरोको संकटग्रस्त क्षेत्र घोषणा गरेको छ।

क्याटेगोरी : समाचार
ट्याग : #अनुगमनमा प्रदेश संसदीय समिति

---

---

---