संखुवासभा प्रहरीले थाल्यो गाँजा नष्ट गर्ने अभियान

साझापाना २०७७ असोज १७ गते १२:३८ मा प्रकाशित

खाँदबारी, १७ असोज- जिल्ला प्रहरी कार्यालय संखुवासभाले जिल्लाका विभिन्न स्थानमा गाँजा फडानी र नष्ट गरेको छ । यसलाई प्रहरीले अभियानको रुपमा लिएको छ । व्यावसायिक खेति गरेको गाँजा नष्ट गर्ने अभियान चलाएको प्रहरी निरीक्षक जीवन गौतमले बताउनुभयो । गौतमका अनुसार खाँदबारी नगरपालिका ५ माल्टामा आफै उम्रिएको र व्यक्तिले लगाएको ६ सय ११ वटा गाँजाको बोट नष्ट पारिएको छ ।
धेरै मानिस रोजगारी गुमाएर घर फर्केका छन्, जिल्ला प्रहरी कार्यालय संखुवासभाका प्रमुख डिएसपी नवराज मल्ले भन्नुभयो, गाउँमा धेरै बेरोजगारी पनि छ । यो अवस्थामा युवाहरूलाई कुलतबाट रोक्नका लागि गाँजा फडानी अभियान चलाएका हौ ।

जिल्लाभरी गाँजाका बोट नष्ट गर्ने भएकाले यो अभियानलाई थप सक्रिय बनाउन सबै प्रहरी चौकीलाई निर्देशन गरिसकेको डिएसपी मल्लले बताउनुभयो ।

क्याटेगोरी : समाचार