वडा अध्यक्ष सिटौला एक्सनमा , अटेर गर्ने पसलमा ताच्चा

साझापाना २०७७ भदौ ९ गते १५:५० मा प्रकाशित

तारकेश्वरमा जिल्ला प्रशासन कार्यालय काठमाडौले जारी गरेको निषेधाज्ञा फितलो भएपछि तारकेश्वरका जनप्रतिनिधिहरुले पूर्ण कार्यान्यनका लागी अग्रसरता देखाएका छन् ।

पटक पटक वडा कार्यालयले कोरोना रोकथाम र नियन्त्रणका लागी अनुरोध गर्दापनि बेवास्था गरेपछि तारकेश्वर नगरपालिका वडा नं ९ का वडा अध्यक्ष वलराम सिटौला यक्सनमा उत्रीएका छन ।

सरकारले अनुमती दिएको अत्याबश्यक पसल बाहेक अन्य पसल संचालन गरेमा वडा कार्यालय र प्रहरीको रोहबरमा ताल्चा लगाउने र चावी वडा कार्यालयले राख्ने अध्यक्ष सिटौलाले साझापानालाई बताए ।

वडाका टोल सुधार समिति, प्रहरी, क्लब लगायतको सक्रियतामा माइकिंग गर्ने र अटेर गर्नेहरुको पसल सटर बन्द गराउने तयारी गरिएको हो ।

तारकेश्वर नगरपालिका वडा नं ९ मा हालसम्म ७ जनालाई कोरोना संक्रमण पुष्टि भैसकेको छ भने केही बिरामी नयाँ थपिएको प्रारम्भिक आंकडा आएको छ ।

यसअघि नगरपालिकाको सोमबार बसेको नगरकार्यपालिकाको बैठकले पनि सबै वडाहरुमा टोल सुधार समिति, प्रहरीलगायतको सहयोगमा माइकिंग गर्ने र निषेधाज्ञा कडा गराउने निर्णय गरेको थियो ।

क्याटेगोरी : समाचार
ट्याग : #वलराम सिटौला