होम आइसोलेसनमा बसेकालाई प्रतिव्यक्ति ५ हजार भत्ता दिने तारकेश्वरको निर्णय

साझापाना २०७७ भदौ ९ गते ०८:१६ मा प्रकाशित

काठमाडौं। तारकेश्वर नगरपालिकाले जनपक्षयइ प्रशंसनीय कदम चालेको छ । नगरपालिकाले कोरोना भाइरसको संक्रमण भएर होम आइसोलेसनमा बसेका नगरवासीलाई प्रतिव्यक्ति ५ हजार भत्ता दिने निर्णय पारित गरेको छ । सोमबार बसेको नगर कार्यपालिकाको बैठकले संक्रमितहरुको आधारभूत आवश्यक्ता पूर्ति गर्न राहत स्वरुप ५ हजार रुपैयाँ भत्ता दिने निर्णयका साथै संक्रमित भएकाहरुको परिवारमा मास्क, स्यानीटाइजर लगायत सुरक्षाका सामाग्री समेत पुर्याइदिने निर्णय गरेको छ ।

नगरपालिकाले कोरोना भाइरसको सम्भावित जोखिमलाई ध्यान दिँदै आफै परीक्षण गराउन एकहजार थान किट किन्ने निर्णय पनि गरेको छ । कोरोना भाइरस संक्रमण बढेसँगै कन्ट्याक्ट ट्रेसिंग गर्दा धेरैजना शंकास्पद बिरामी भेटिने भन्दै नगरले आफै किट व्यवस्थापन गर्ने निर्णय गरेको हो ।

क्याटेगोरी : समाचार
ट्याग : #प्रतिव्यक्ति ५ हजार भत्ता