नुवाकोटमा आजदेखि लकडाउन

साझापाना २०७७ साउन २३ गते १०:२५ मा प्रकाशित

संकट व्यवस्थापन केन्द्रको बिहीबार बसेको बैठकले नुवाकोटका सबै स्थानीय तहमा कोरोना संक्रमणको जोखिम देखिएसँगै ‘लकडाउन’ सरहको आवागमनमा रोक र सार्वजनिक सेवा प्रवाहमा कटौती गरेको बताएको छ।

जिल्लाभित्र सञ्चालन हुने यात्रुवाहक सार्वजनिक यातायातका साधन आजदेखि अर्को निर्णय नहुँदासम्म सञ्चालनमा रोक लगाउने, अत्यावश्यक सेवाका साधन र अनुमतिप्राप्त साधनबाहेक अन्य सवारीसाधन जिल्ला प्रवेशमा पूर्णरुपमा रोक लगाइने निर्णय गरेको हो ।यसैगरी सवारी साधनमा एम्बुलेन्स बाहेक सबै किसिमका आवतजावत रोक्ने निर्णय गरेको हो।

बैठकले होटल , चिया पसल, पार्लर सैलुन , जिमहल, मेला जात्रा, पर्व समारोह, गर्न नपाउने निर्णय गरेको छ। यसैगरी यही साउन २५ गतेदेखि अर्को आदेश नभएसम्म जिल्लाभित्रका सबै सरकारी, निजी तथा गैरसरकारी कार्यालयले प्रदान गर्ने सेवामध्ये सेवा सञ्चालन तथा व्यवस्थापन प्रक्रिया र कार्यालय सञ्चालन, व्यवस्थापन र सेवा प्रवाहका मापदण्डअनुरुप अतिआवश्यक सेवा मात्र प्रदान गर्ने निर्णय गरेको छ।

क्याटेगोरी : समाचार
ट्याग : #लकडाउन