मेलम्ची पहिरोमा परेका ८ जनाकै शव निकालियो

साझापाना २०७७ साउन १९ गते १४:२५ मा प्रकाशित

गए रातिको अविरल वर्षाको कारण मेलम्ची नगरपालिका–११ मा गएको पहिरोले पुरिएकाहरु ८ जनाकै शव फेला परेको छ ।
मृत्यु हुनेमा ७ जना नेपाली र १ जना भारतीय नागरिक रहेका छन् ।

पहिरोमा पुरिएर मृत्यु हुनेहरुमा वीरगञ्जका प्रदीप चौरसिया, बिक्रम थिङ, राजेश चौधरी, मानबहादुर रुम्बा, सिमन घलान, शिवबालक धामी र सोनम लामा छन् । त्यस्तै भारतीय नागरिक राजेन्द्र चौरसियाको पनि मृत्यु भएको छ ।

घाईते एक भारतिय नागरिक बारु शाहलाई उपचारको लागी राष्ट्रिय ट्रमा सेन्टर काठमान्डौ पठाईएको छ।

क्याटेगोरी : समाचार
ट्याग : #मेलम्ची पहिरोमा