संखुवासभाको खाँदबारी नगरपालिकाले बाढ्यो विद्यालयलाई कम्प्युटर

साझापाना २०७७ साउन १५ गते १७:५१ मा प्रकाशित

संखुवासभाको खाँदबारी नगरपालिकाले नगर क्षेत्रका ८ वटा आधारभूत विद्यालयलाई कम्प्युटर प्रिन्टर वितरण गरेको छ । नगरले १७ वटा माध्यमिक विद्यालयका छात्राका लागि सेनिटरी प्याड पनि वितरण गरेको छ ।

नगर शिक्षा समितिले ८ वटा आधारभूत विद्यालयलाई कम्प्युटर, प्रिन्टर र खेलकुदका सामाग्री वितरण गरेको हो । उक्त सामाग्री नगरप्रमुख मुरारी प्रसाद खतिवडाले विद्यालयका प्रधानाध्यापकहरुलाई बिहिबार एक कार्यक्रम बीच हस्तान्तरण गर्नुभयो । त्यस्तै, नगर शिक्षा समितिले १७ वटा माध्यमिक विद्यालयलाई सेनिटरी प्याड वितरण गरेको छ । निम्नमाध्यमिक र माध्यमिक विद्यालयमा कक्षा छ देखि १० सम्म अध्यँयन गर्ने छात्रालाई महिनाको २ पोकाका दरले प्याड उपलव्ध गराईने निमित्त प्रमुख प्रशासकिय अधिकृत दीपकमणी घिमिरेले बताउनुभयो ।