नेविसंघ संखुवासभाद्वारा गिरिजा प्रसाद कोईरालाको ९६ औं जन्मजयन्तीको अवसरमा बिरामीलाई फलफूल बितरण

साझापाना २०७७ असार १८ गते २१:२९ मा प्रकाशित

नेपाल विद्यार्थी संघ संखुवासभाद्वारा जिल्ला अस्पताल संखुवासभाका विरामीलाई फलफूल वितरण गरेको छ । शिखर पुरुष गिरिजा प्रसाद कोईरालाको ९६ औं जन्मजयन्तीको अवसरमा कार्यक्रममको आयोजना गरिएको हो ।

जिल्ला अस्पताल संखुवासभा खाँदबारीमा उपचार गराई रहेको १६ विरामीsलाई फलफूल वितरण गरिएको नेविसंघ संखुवासभाका सचिव कुमार ल्वागुनले जानकारी दिनुभयो । उँहाले नेविसंघ केन्द्रीय कार्य समितिको परिपत्र बमोजिम कार्यक्रम गरिएको बताउनुभयो । नेविसंघ संखुवासभाका कार्य वाहक अध्यक्ष ओम श्रेष्ठले कार्यक्रममा शिखर पुरुष गिरिजाप्रसाद कोईरालाले गरेको योगदानको स्मरण गर्दै कार्यक्रमको आयोजना गरिएको बताउनुभयो ।

नेपाल विद्यार्थी संघ संखुवासभाको आयोजनामा भएको कार्यक्रममा नेपाली कांग्रेस संखुवासभाका सभापति दिपन कुमार श्रेष्ठ, सचिव निरु तामाङ (बस्नेत), जिल्ला तरुण दलका सभापति टकमान घले, नेविसंघ शिक्षा कलेज काठमाण्डौका सभापति अनुज चापागाईं, पुर्व महासमिति सदस्य शेर बहादुर वन, पुर्व महाभिवेसन प्रतिनधि अनन्त गौली, तरुण दल संखुवासभाका सचिव उमेश श्रेष्ठ, क्षेत्रीय कार्य समितिका सदस्य तथा सिलिचोङ कांग्रेसका उपसभापति संयोगान्त कुलुङ, पत्रकार महासंघ संखुवासभा अध्यक्ष इन्द्र गिरी, प्रेस युनियनका सभापति कृष्णराज शाक्य साथै विभिन्न भातृ संगठनका प्रमुख तथा पदाधिकारीहरु साथै पत्रकारहरुको उपस्थिति रहेको थियो ।

क्याटेगोरी : समाचार