खड्का र घिमिरेले दिए खाँदबारी नगरपालिकालाई ६० बोरा चामल

साझापाना २०७७ जेठ १६ गते ०७:५९ मा प्रकाशित

युवा व्यवसायी ध्रुब खड्का र सागर घिमिरेले खाँदबारी नगरपालिकालाई ६० बोरा चामल सहयोग गरेका छन् । चामल एक कार्यक्रम बीच नगर प्रमुख मुरारीप्रसाद खतिवडालाई खड्का र घिमिरेले हस्तान्तरण गरे । विपतका वेला नागरिकले पनि सरकारलाई सघाउनु पर्छ भन्दै उनीहरुले ६० बोरा चामल पहिलो चरणमा उपलव्ध गराएका हुन् ।

चामल नगरपालिकाले नगरमा भएका गरिव र असाहायको पहिचान गरेर वितरण गर्नेमा आफूहरु ढुक्क रहेको खड्काले बताए । उनले दोश्रो चरणमा पनि चामल उपलव्ध गराउने बताए । नगर प्रमुख खतिवडाले संकलित चामल नगर भित्र रहेका विपन्न र गरिवलाई उपलव्ध गराउने बताए । खड्का युवा संघ नेपालका संखुवासभा सहसंयोजक समेत हुन् ।

क्याटेगोरी : समाचार