तारकेश्वर काठमाडौं । काठमाण्डौको उतरीभेग शिवपुरी राष्ट्रिय निकुन्जको फेदमा रहेको रमणिय प्राकृतिक सम्पदाको धनी एवं विगतमा काठमाडौंवासीको पानीको प्यास मेटाउने उदगम स्थल तार्केश्वर ६ पैयाँटारमा अहिले पानीको हाहाँकार भएको छ ।

तारकेश्वर नगरप्रशासन , प्रहरी सहितको मिलेमतोमा नगरभित्रका हरिया डाँडाकाडाहरुमा अव्यबस्थित भुखण्डिकरण एवं जग्गा पल्टीङ्गका कारण दिनप्रतिदिन पानीका मुहान सुक्न थालेको छ ।

 

कतिपय स्थानमा त सामुदायीक जंगल र भिरपाखा लागेका किरासरिका डोजरबाट जमिनमुनी रहेको पानीको श्रोतको सर्वनाश भएको स्थानियको आरोप छ ।

भुमाफियाका डोजरआतंकबाट भिरपाखा र जंगल फडानीसँगै गर्भमा रहेको पानी बगेर गईरहेको हुँदा स्थानियले उपभोग गर्ने कुवाहरु सबै सुकेका छन ।

बिगत १५–२० वर्षदेखी पानिको भरपर्दो श्रोत बनेको पैंयाटारको गहिरो इनार पनि अब सुक्ने क्रममा रहेको छ ।

शिवपुरी राष्ट्रिय निकुन्जबाट तल हेर्दा मरुभुमी समान बनेका जमिन जोत्ने जोताउने र मुकदर्शक बन्ने स्थानिय प्रशासनका दिन प्रतिदिन तारकेश्वरबासीले खानेपानीको समस्या झेल्न बाध्य भएका छन ।

अव्यवस्थित शहरीकरण तथा खानेपानी संस्थानको अधिनमा रहेको पञ्चायतकालिन खानेपानी लाइन तत्कालिन समय र जनघनत्व अनुसार थेग्न नसक्ने अवस्थामा छ । धारामा पानी नआउने तर पानीको बिल र जरिवाना तिर्नु पर्ने वाध्यतालाई अन्त्य गर्दै नगरपालिकाले सुबिधा दिन नसक्ने चिजमा जरिवाना बिल्कुल अनुपयुक्त रहेको स्थानिय समाजसेवी बिष्णु कार्की बताउछन ।

कार्कीले जनता रितो गाग्री लिएर तार्केस्वर नगरपालिका कार्यालय तथा खानेपानी कार्यालय घेर्न वाध्य नवनाउन मेयर रामेश्वर बोहोरालाई आग्रह समेत गरेका छन ।

स्थानिय प्रशासन तथा सम्पूर्ण जनप्रतिनिधिहरुलाई समयमानै जनताप्रती उतरदायी हुन जरुरी देखिन्छ ।

क्याटेगोरी : स्थानीय
ट्याग : #hot, #काकाकुल तारकेश्वरबासी

---

---

---