बर्दिवासमा ओमकार टेलिभिजनका संस्थापक मुकुन्द शर्माको अवलोकन भ्रमण

साझापाना २०८२ वैशाख २४ गते २०:०१ मा प्रकाशित

महोत्तरी, बर्दिवास (२४ वैशाख) – ओमकार टेलिभिजनका संस्थापक तथा लड्केश्वर धामका पीठाधीश्वर श्री मुकुन्द शर्मा हुमागाईं केही दिनदेखि बर्दिवास नगरमा भेटघाटको क्रममा रहनुभएको छ । धार्मिक, सामाजिक र सञ्चार क्षेत्रमा विशिष्ट योगदान पुर्‍याउँदै आउनुभएका शर्माजीको यो बसाइ विशेष चासोको विषय बनेको छ ।

आजको दिन उहाँले बर्दिवासस्थित केही महत्वपूर्ण स्थानहरूको अवलोकन भ्रमण गर्नुभएको छ । उहाँले ‘हाम्रो माया घर’ पुगेर सेवामा समर्पित संस्थाको कार्यप्रति प्रशंसा व्यक्त गर्नुभएको थियो भने शुभ स्वस्तिक हस्पिटलमा पुगेर स्वास्थ्य सेवाको अवस्थाबारे जानकारी लिनुभएको थियो ।

त्यस्तै, नेहा खाद्य उद्योगको अवलोकन गर्दै उद्योगले स्थानीय उत्पादन र रोजगारीमा पुर्‍याएको योगदानको प्रशंसा गर्नुभयो । त्यसपछि सिटिजन लाइफ इन्स्योरेन्स बर्दिवास शाखामा समेत पुगेर बीमा सेवाको प्रभावकारिता तथा जनताको पहुँचबारे बुझ्नुभएको थियो साथै भजनद्वारा उपस्थित सम्पूर्णलाई ज्ञान बाँड्नुभएको थियो ।

शान्त, सरल र आध्यात्मिक व्यक्तित्व बोकेका मुकुन्द शर्माको यो अवलोकन भ्रमणले बर्दिवासका विभिन्न क्षेत्रलाई उत्साहित बनाएको देखिएको छ । उहाँको उपस्थितिले नगरवासीहरूमा पनि उल्लास थपिएको छ ।

शर्मा संस्थापक रहेको ओमकार टेलिभिजनबाट बर्दिवास नगरको विषय वस्तुमा आधारित ‘पञ्चामृत’ कार्यक्रम हप्तामा एक पटक प्रशारण समेत हुँदै आइरहेको छ ।

क्याटेगोरी : जीवनशैली