बर्दिवासमा पद्म शमशेर खड्का स्मृति प्रतिष्ठानको घरदैलो अनुगमन

साझा पाना २०८२ पुस ३ गते ०८:१४ मा प्रकाशित

– बर्दिवास, महोत्तरी (३ पौष)

महोत्तरीको बर्दिवास नगरका हात्तीलेट, ब्यङ्गखाडी, डाँडाटोल तथा बिजलपुरा क्षेत्रका विभिन्न स्थानहरूमा पद्म शमशेर खड्का स्मृति प्रतिष्ठान, बर्दिवासद्वारा आयोजित छात्रवृत्ति परीक्षामा उत्तीर्ण भएका विद्यार्थीहरूको वास्तविक आर्थिक अवस्था बुझ्न घरदैलोमै पुगेर स्थलगत अनुगमन कार्य तीव्र रूपमा भइरहेको छ ।

अनुगमनका क्रममा विद्यार्थीहरूको पारिवारिक पृष्ठभूमि, जीवनस्तर तथा शैक्षिक आवश्यकतालाई प्रत्यक्ष अवलोकन गरी छात्रवृत्ति कार्यक्रमलाई थप प्रभावकारी र न्यायोचित बनाउने उद्देश्य राखिएको छ। प्रतिष्ठानबाट छात्रवृत्ति प्राप्त विद्यार्थीहरूले कक्षा ११ र १२ सम्म निशुल्क शिक्षा पाउने व्यवस्था गरिएको छ ।

प्रतिकूल आर्थिक अवस्थाका बाबजुद अध्ययनमा उत्कृष्ट विद्यार्थीलाई सहयोग गर्ने लक्ष्यसहित प्रतिष्ठानका अध्यक्ष विष्णु बहादुर खड्काले आफ्ना स्वर्गीय आमाबुवाको स्मृतिमा यस प्रतिष्ठानको स्थापना गरेका हुन् ।

🔴 फोटो समाचार