ट्रम्पका विशेष दूत काठमाडौं आउँदै, बालेनले भेट्न गरे इन्कार

साझा पाना २०८३ वैशाख १७ गते १२:०९ मा प्रकाशित

काठमाडौं । अमेरिकी राष्ट्रपति डोनाल्ड ट्रम्पका विशेष दूत सर्जियो गोर आज काठमाडौं आउँदैछन् । उनी आज साँझ काठमाडौं आइपुग्ने बताइएको छ ।

गोर दक्षिण तथा मध्य एशिया मामिला हेर्ने ट्रम्पका विशेष दूत हुन् । उनले परराष्ट्रमन्त्री शिशिर खनाल,अर्थमन्त्री डा.स्वर्णिम वाग्ले, प्रधानसेनापति अशोकराज सिग्देलसँगको भेटघाट गर्ने तय भएको छ ।

गोरले प्रधानमन्त्री बालेन्द्र साहलाई पनि भेट्न खोजेकामा बालेनले भने भेट्न इन्कार गरेका बताइएको छ । यसअघि अप्रिल २० मा नेपाल आएका अमेरिकी सहायक विदेशमन्त्री समिर पल कपुरको टोलीलाई पनि प्रधानमन्त्री साहले भेट्न इन्कार गरेका थिए ।

बालेनको नेतृत्वमा सरकार बनेपछि नेपाल आउन लागेका उनी सबैभन्दा उच्च ओहोदाका अमेरिकी कुटनीतिज्ञ हुन्।

क्याटेगोरी : अन्तर्राष्ट्रिय
ट्याग : #ट्रम्पका विशेष दूत काठमाडौं आउँदै, #बालेनले भेट्न गरे इन्कार