रोस्किनोको आयोजनामा मार्च २० देखि २४ सम्म नेपाल अन्तर्राष्ट्रिय फिल्म महोत्सवमा रुसी फिल्महरूको प्रदर्शन

साझापाना २०८१ चैत्र ९ गते ११:३० मा प्रकाशित

रोस्किनोले मार्च २० देखि २४ सम्म नेपाल अन्तर्राष्ट्रिय फिल्म महोत्सवको क्रममा रुसी फिल्महरूको प्रदर्शन आयोजना गरेको छ । शनिबार काठमाडौंको छायाँ सेन्टरमा रुसी चलचित्र दिवसको आयोजना भएको हो । रोस्किनोद्वारा आयोजित र रुसी संस्कृति मन्त्रालयको सहयोगमा तीनवटा रुसी चलचित्रहरु प्रदर्शनी गरिएको छ ।

प्रदर्शन भएका चलचित्रहरूमा चार चौथाइ, न्युरेम्बर्ग र हामी तीन जना चलचित्रहरू प्रदर्शन गरिएको छ । निफका अध्यक्ष केपी पाठकले निफमा रसियन चलचित्र दिवस पहिलो पटक मनाएकोमा खुशी व्यक्त गरे । उनले विभिन्न देशसँगको चलचित्र सहकार्य कायम गर्न खोजेको र संसारका चलचित्र नेपाली सहित विश्वमाझ देखाउन चाहने बताए ।उनले यस वर्षको निफमा रसियन समाज, रसियन चलचित्र र रसियन गतिविधिलाई अगाडि बढाउने लक्ष्य रहेको बताए । रसियन कल्चर सेन्टरमका निर्देशक एनथम मास्लोवले नेपाली दर्शकहरुले रसिया र रसियाको चलचित्रको बारेमा देखाएको उत्साह सराहनीय भएको बताए ।उनले रसियन एम्बेस्सी र रोस्किनोको सहकार्यमा निफले सुरूवात गरेको यो कदमले अझै धेरै रसियन फिल्म, संस्कृति र रसियनहरूको जीवन देखाउन खोजेको बताए । अन्तर्राष्ट्रिय चलचित्र महोत्सवको विशेषता नै यही हो ।

निकोलाई लेबेदेवद्वारा २०२३ मा निर्देशित चलचित्र न्युरेम्बर्ग, एबजेनिया तिर्दाटोवाद्वारा निर्देशित चलचित्र २०२४ चौथाइ, हामी तीन जना निर्देशित चलचित्र एलेकजेन्ड्रा सह्राना २०२१ मा निर्देशन गरिएको हो ।

क्याटेगोरी : मनोरञ्जन/साहित्य