बुढ्यौली साहित्य समाज धनुषाको विशेष दोस्रो बैठक सम्पन्न

साझापाना २०८१ फागुन १६ गते १५:३२ मा प्रकाशित

आज मिति २०८१साल फागुन १६गते शुक्रबारका दिन बुढ्यौली साहित्य समाज धनुषाको बैठक यस समाजका अध्यक्ष नानीराम दहालको अध्यक्षता ,सल्लाहकार नारायण विक्रम थापाको उपस्थिति र बुढ्यौली साहित्य अभियान्ता नियात्राकार रमेश मोहन अधिकारीको प्रमुख आतिथ्यमा सम्पन्न भएको छ ।

उक्त बैठकमा आगामी दिनमा यस समाजलाई कसरी अगाडि बढाउने भन्ने प्रस्तावलाई विशेष छलफलका साथ कार्यक्रम व्यवस्थित गर्ने बारेमा गहन बहस भयो । यस समाजले नियमित रुपमा सञ्चालन गर्ने शृङ्खला केही लामो समयदेखि स्थगित भएको कार्यक्रम चैत्रबाट निरन्तर गर्ने भनी बैठकले निर्णय गरेकोे छ ।

उक्त बैठकमा यस समाजका सदस्य बालकृष्ण पहाडी कार्य व्यस्तताका कारण समय दिन असमर्थ भएकोले उहाँको सदस्य पदमा बलराम भट्टराईलाई चयन गरिएको छ ।

बुढ्यौली साहित्य समाज धनुषाको दोस्रो विशेष बैठकमा बुढ्यौली साहित्य समाज नेपाल मधेस प्रदेश समितिका सचिव रामचन्द्र पौडेल र बुढ्यौली साहित्य समाज मकवानपुरका उपाध्यक्ष राजकुमार लामिछाने उपस्थिति थिए । सो बैठक श्री आदर्श मा वि लालगढ धनुषाको सभाहलमा भएको थियो ।

क्याटेगोरी : मनोरञ्जन/साहित्य