प्रकाश ओझाको नयाँ गीत रेश्मा सार्वजनिक

साझापाना २०८१ भदौ १ गते १५:४६ मा प्रकाशित

– जीवनराज दाहाल (बर्दिवास)

हास्यव्यङ्ग्य गीत गाएर आफ्नो छुट्टै स्थान बनाएका गायक प्रकाश ओझाले सुपर सुरेशको शब्द सङ्गीतमा ‘रेश्मा’ नामक गीतमा आफ्नो स्वर भरेका छन् । ओझालाई स्वरमा सुरेशले पनि साथ दिएका छन् । निरज श्रेष्ठको एरेन्जर एचबिएन किस्मतको मिक्सिङ रहेको रेश्मा गीतको भिडियोलाई प्रवेश पोख्रेलले छायांकन गरेका हुन् ।

भदौ १ गते रजतपट अनलाइन टिभी युट्युब च्यानलबाट सार्वजनिक गरिएको उक्त गीतको सम्पादनमा प्रेम शर्मा पौडेल तथा कोरियोग्राफरमा सुरेश पाण्डे रहेका छन् ।

प्रकाश ओझाको निर्देशन रहेको रेश्मा गीतको म्युजिक भिडियोमा प्रकाशको अलावा लोसिना लामिछाने, सुपर सुरेश, रामशरण जंगम, कविता कार्की, शुनिल कार्की आदिको अभिनय देख्न पाइन्छ भने बाल कलाकारमा साभिया दाहाललाई देख्न पाइन्छ ।