खांदबारीमा लाखे नाच सम्पन्न (फोटोफिचर)

सुजन बज्राचार्य फोटो पत्रकार २०८० भदौ २२ गते ०६:२८ मा प्रकाशित

खांदबारी – नागपञ्चमीबाट सुरु भएको नेवार समुदायको लाखे नाच विधिवत रुपमा बिहीबार समापन भएको छ ।

हिजो खांदबारीमा लाखे नाचको अन्तिम दिनमा नेवा देय दबुले लाखे नाचको र नेवा संस्कृति जगेर्ना गर्ने उद्देश्यले खांदबारी नगरपालिका भित्रका लाखे समुहहरुको लाखे नाच प्रतियोगिता समेत आयोजना गरिएको थियो । उक्त कार्यक्रममा विभिन्न जात जातिका नाचहरु पनि प्रदर्शन गरिएको थियो ।

कृष्ण र कंशको नाच देखाएपछि बिहीबारबाट एक वर्षका लागि लाखे नाच विधिवत रुपमा समापन हुन्छ । कृष्ण जन्माष्टमीको भोलिपल्ट कृष्णले कंशका रुपमा लाखेलाई मारेपछि लाखे नाच सकिने गर्दछ।

नागको पूजा गरेपछि नेवार समुदायले कृष्णअष्टमीको भोलीपल्टसम्म हरेक दिन बजार परिक्रम गर्दै लाखे नाच देखाउँछन् । लाखे नाचको अन्तिम दिन सदरमुकाम खाँदबारी र चैनपुरमा देखाईने कृष्ण लीला हेर्नेको भीड लाग्ने गर्दछ ।