प्रतिष्ठानको २९ औँ शृङ्खला सङ्गीतमय
मिति २०७८ साल मंसिर ११ गते शनिबार बर्दिवास साहित्यिक-सांस्कृतिक प्रतिष्ठानको सङ्गीतमय २९ औँ शृङ्खला प्रतिष्ठानका अध्यक्ष रामचन्द्र पौडेल (विपुल) को अध्यक्षतामा सम्पन्न भएको छ ।
कार्यक्रमको सञ्चालन सुरूमा प्रतिष्ठानका सचिव यशोदा श्रेष्ठले र साङ्गीतिक कार्यक्रमको सञ्चालन रोहित भट्टराईले गरेका थिए । सो कार्यक्रममा सहभागी अतिथि, कलाकार लगायत सम्पूर्णलाई प्रतिष्ठानका उपाध्यक्ष जीवन स्पर्शीले स्वागत गरेका थिए । उक्त कार्यक्रममा प्रतिष्ठानको स्थापना र प्रतिष्ठानले साहित्य क्षेत्रमा गरेका कामको बारेमा समेत चर्चा गरेका थिए । सङ्गीतमय शृङ्खलामा उपस्थिति विशिष्ट अतिथिहरुमा दिप बहादुर योञ्जन, राजन प्रसाद ढुंगाना, केदार बहादुर कोइराला र विशिष्ट कलाकारहरु विष्णु देव, अर्जुन बाबु, रूद्रसेन विश्वकर्मा र भीम खतिवडा थिए ।
वाद्यवादनमा शिवराज जोशी र गोकुल भण्डारी थिए ।अथिति कलाकारहरुको प्रतुतिले कार्यक्रमको गरिमा बढाएको थियो । उक्त शृङ्खलामा आउने अन्य अतिथिहरुमा प्रलेस प्रदेश नम्बर २ का अध्यक्ष पार्थ सारथि, पौडेल साहित्य प्रतिष्ठानका अध्यक्ष जनकप्रसाद पौडेल, गौशला साहित्य समाजका अध्यक्ष मोहन महतो, मिथिला साहित्य प्रतिष्ठानका संयोजक विपिराज दहाल, सल्लाहकार संयोजक बन्चरो, शिशिर घिमिरे प्रतिष्ठानका संरक्षक एवम् छन्द चौतारीका अध्यक्ष अग्नि कवच, घिमिरे प्रतिष्ठानका अध्यक्ष सुरेन्द्र पोखरेल, बर्दिवास साहित्यिक- सांस्कृतिक प्रतिष्ठानका सल्लाहकार समितिका संयोजक मदन प्रभात लगायत जनता बहुमुखी क्याम्पसका प्रतिनिधि, सरकारी तथा निजी विद्यालयका प्रतिनिधि, विभिन्न संघ संस्था र व्यवसायिक संस्थाका सञ्चालक प्रमुख तथा प्रतिनिधिहरू थिए ।

सो साङ्गीतिक शृङ्खलामा विभिन्न लयका गजल, गीत र कविताहरू प्रस्तुत गरिएका थिए । कला प्रस्तुत गर्नेहरुमा नम्रता परियार, मञ्जु गजमेर, विणा ढकाल, विपिराज दहाल, गणेश तिमल्सिना, लेखराज कालीकोटे, कविता दहाल, विज्ञान फुयाल, नवलकिशोर महतो, पुरुषोत्तम वराल, इन्द्र थापा र दशक बलप्पाकी थिए ।
उक्त सङ्गीतमय शृङ्खलामा सहभागी विशिष्ट अतिथि, विशिष्ट कलाकार, अतिथि लगायत सम्पूर्ण साहित्य अनुरागी, साहित्य प्रेमीहरुलाई सभाध्यक्ष रामचन्द्र पौडेल (विपुल) ले हार्दिक आभार प्रकट गरेका थिए । उक्त शृङ्खला सभ्य र भव्य रुपमा सम्पन्न गर्न अहम् भूमिका निर्वाह गर्ने सङ्गीत विभाग, नाट्य विभाग, प्रचार प्रसार विभाग, पदाधिकारी लगायत मिथिला, गौशला र बर्दिवासका सम्पूर्ण साहित्य संस्थालाई धन्यवाद ज्ञापन गर्दै साङ्गीतिक शृङ्खलाको समापन गरेका थिए ।
क्याटेगोरी : मनोरञ्जन/साहित्य
धेरै पढिएका
- १काठमाडौं क्षेत्र नं ७ का नेकपाका केन्द्रीय सदस्य ज्ञानेन्द्र मोहन श्रेष्ठसहित दर्जनौं युवा एमाले प्रवेश
- २टोखा–छहरे सुरुङमार्गले धेरै बस्ती मापदण्डका कारण समस्यामा पर्ने भएकाले विकल्प खोज्न मन्त्री खनालको प्रस्ताव
- ३काठमाडौं–७ : प्रकाश श्रेष्ठको सम्भावना मजबुत बन्दै गएको राजनीतिक विश्लेषकहरूको बुझाइ
- ४एमालेको घोषणापत्रमा के छ ? (पूर्णपाठ)
- ५सिंहदरबारका प्रहरी प्रमुख जनार्दन घिमिरे सहित उत्कृष्ठ कार्य गर्ने ३ जना प्रहरी अधिकृत पुरस्कृत
- ६तारकेश्वरमा युवाहरुले भ्रष्टाचार र बेथितिविरुद्ध आवाज उठाँउदा नगरपालिकाको धम्कीपूर्ण विज्ञप्ति
- ७तारकेश्वर साङ्गला पटापुमा ईभी गाडीभित्र महिलाको शव फेला, प्रहरीले सुरु गर्यो सबै कोणबाट अनुसन्धान
- ८काठमाडौं क्षेत्र नं. ६ मा लोकप्रिय युवा उम्मेदवारहरूबीच कडा प्रतिस्पर्धा






तपाईको कमेन्ट लेख्नुहोस्