वायु सेवा निगमको वाइडबडी जहाजको व्यवसायी उडान सुरु

साझापाना २०७५ साउन १७ गते ०६:४४ मा प्रकाशित

राष्ट्रिय ध्वाजबाहक नेपाल वायु सेवा निगमको वाइडबडी जहाजको व्यवसायी उडान सुरु भएको छ । १९ सिटको डाकोटा विमानबाट उडान सुरु गरेको नेवानिले ६० वर्षपछि २७४ सिटको बाइडबडी ए३३०–२०० सिरिजको जहाजमार्फत व्यवसायी उडान सुरु गरेको हो । नेवानिले पहिलो व्यावसायिक उडान कतारको दोहाबाट सुरु गरेको छ । ‘नाइन एन एएलवाई’ कलसाइन दिएको उक्त ए३३०–२०० वाइडबडी जहाजले बुधबार बेलुका ९ः२५ मा कतारको दोहाबाट व्यावसायिक उडान सुरु गरेको हो ।

असार १४ गते फ्रान्सको तुलुज सहरबाट १० करोड ४८ लाख रुपैयाँ खरिद गरिएको वाइडबडी जहाज त्रिभुवन अन्तर्राष्ट्रिय विमानस्थलमा ल्यान्ड गरिएको थियो । नेवानिलै नै ल्याएको दोस्रो वाइडबडी जहाजको व्यावसायिक उडान भने केही दिनबाट सुरु हुनेछ । मकालु नाम दिएको दोस्रो वाइडबडी जहाजको कलसाइन भने ‘नाइन एन–एन एएलजेट’ दिइएको छ ।

अन्नपूर्ण नाम दिइएको वाइडबडी जहाजको पहिलो उडानमै ९० प्रतिशतभन्दा बढी अकुपेन्सी रहेको नेवानिका प्रवक्ता रवीन्द्र श्रेष्ठले बताए ।

जहाजमा २५६ वटा इकोनोमिक क्लासका सिट र १८ वटा बिजनेस क्लासका सिट रहेको छ ।

क्याटेगोरी : ब्रेकिंग न्युज