काठमाडौं, १० जेठ । नेपाल सरकारले बिहिवार सार्वजनिक गरेको नेपालको अद्यावधिक (राजनीतिक र प्रशासनिक) नक्सा नेकपाका उपाध्यक्ष वामदेव गौतमलाई हस्तान्तरण गरिएको छ ।

भूमि व्यवस्था, सहकारी तथा गरिबी निवारण मन्त्री पद्माकुमारी अर्यालले नेता गौतमलाई उहाँकै निवास भैसेपाटीमा भेटी आज विहान मन्त्रालयको तर्फबाट हस्तान्तरण गरेकी हुन् । गएको जेठ ५ गते बसेको मन्त्रीपरिषद्को बैठकले लिम्पियाधुरा, लिपुलेक र कालापानी क्षेत्र समेटिएको नेपालको अद्यावधिक (राजनीतिक र प्रशासनिक) नक्सा स्वीकृत गरेको थियो ।

मन्त्रीपरिषद्ले नक्सा स्वीकृत गरेपछि बिहिवार भूमि व्यवस्था, सहकारी तथा गरिबी निवारण मन्त्रालयले औपचारिक रुपमा नक्सा सार्वजनिक गरेको हो । नेपाल र भारतबीच सीमा विवादको कुरा बाहिर आइरहेको वेला अहिले भारतीय मिडियाले नेपालको अतिक्रमित भूमिमा भारतीय सेना हट्नुपर्दछ भन्ने राष्टवादी आडन राख्दै आउनु भएको नेता गौतमबारे भनिरहेका छन् ।

यसअघि मन्त्री अर्यालले राष्ट्रपति विद्यादेवी भण्डारी, प्रधानमन्त्री केपी शर्माओली, प्रतिनिधिसभाका सभामुख अग्नी सापकोटा, राष्ट्रियसभाका अध्यक्ष गणेशप्रसाद तिमिल्सना, नेपाली कांग्रेसका सभापति शेरबहादुर देउवालाई समेत हस्तान्तरण गरिसक्नु भएको छ ।

क्याटेगोरी : समाचार
ट्याग : #map of nepal, #नेपालको नक्सा, #बामदेव गौतम

---

---

---