टोखा काठमाडौँ । टोखा नगरपालिकामा कोरोना भाइरस संक्रमितको खोजि कार्य गर्ने क्रममा शुक्रबार एक भारतीय नागरिक सहित चार जनामा आरडीटी पोजिटिभ देखिएको छ ।

टोखा चण्डेश्वरी प्राथमिक स्वास्थ्य केन्द्रमा शुक्रबार २१ जनामा गरिएको आरडीटी परीक्षणमा १ जना भारतीय नागरिक सहित २ जना टोखा-६ का एकै घरका श्रीमान श्रीमति रहेका छन् भने अर्का एकजना पाँगा कीर्तिपुर निवासी महिला रहेकी छन् ।

आरडीटी पोजिटिभ देखिएका भारतीय नागरिक भारतबाट मालबाहक गाडीबाट सामान लिएर टोखा-३ स्थित स्टार टाउनमा हिजोबेलुका आइपुगेका थिए । तीनिहरुको स्वास्थ्य अवस्था समान्य रहेको छ ।

गत बुधवार टोखा नगरपालिकाले नगरभरीका ११ वटै वडाका ५०३ जनामा आरडीटी परीक्षण तथा २९३ जनामा पीसीआरबाट स्वाब संकलन गरिएको थियो । जसमध्य ५०३ जनामध्य १३ जनामा आरडीटी पोजिटिभ देखिएको थियो । २९३ जनाको संकलित स्वाब पीसीआर परीक्षणका लागि राष्ट्रिय जनस्वास्थ्य प्रयोगशाला टेकुमा पाइएको छ नतिजा आउन बाँकी रहेको छ ।

आइतबार पनि परीक्षण गरिने

टोखा नगरपालिकाले आइतबार थप कोरोना भाइरस संक्रमित पहिचान गर्नका लागि आरडीटी र पीसीआर परीक्षण गर्ने भएको छ ।

जसमा बढि जनसम्पर्कमा आउनेहरु खाद्यान्न किराना पसल तथा तरकारी व्यवसायी, स्थानीय निकार्यका कर्मचारी, स्वयं सेवक लगायतको परीक्षण गरिने छ ।

न्यूज अफ टोखा

क्याटेगोरी : समाचार
ट्याग : #टोखा नगरपालिकामा आरडीटी परीक्षण जारी

---

---

---