नेपालमा संक्रमित तीन सय नाघे, आज विहान मात्र नौ जनामा

साझापाना २०७७ जेठ ५ गते १०:०६ मा प्रकाशित

काठमाडौँ, ५ जेठ ः कोरोना भाइरस (कोभिड १९)को संक्रमितको संख्या तीन सय नाघेको छ ।

अहिले विहान नौ जनामा संक्रमण देखिएपछि संक्रमितको संख्या ३०४ पुगेको हो । यसअघि हिजो २९५ जनामा संक्रमण देखिएको थियो ।
स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीले राष्टिय जनस्वास्थ्य प्रयोगशाला टेकुमा गरिएको परीक्षणका क्रममा रौतहटमा आठ जना र बारामा एक जनामा देखिएको बताए ।

नयाँ संक्रमितमा रौतहट इशनाथ नगरपालिका वडा नंं. २, ३, ६ र ९ निवासी २१, २१, २३, २५, २५, २९ र ३० बर्षका पुरुषहरु र माधवनारायण नगरपालिका वडा नं. ३ निवासी २८ वर्षीय महिला रहेका छन् ।

यस्तै वारा जिल्लाको करैयामाई ५ निवासी ३८ वर्षीय पुरुष रहेका छन ।

हिजो आइतवार मात्र कोभिड १९ संक्रमणबाट वाँकेमा एक जनाको मृत्युभएको थियो । शुक्रबार सिन्धुपाञ्चोकमा एक जना महिलामा पनि संक्रमणको कारणले मृत्यु भएको पुष्टि भएको थियो ।

क्याटेगोरी : ब्रेकिंग न्युज, विशेष, समाचार